Kimiad
Prosper Proux
[Kentañ strofad]
Ma c'halon a zo frailhet
Dre nerzh ma enkrezioù
Ma daoulagad entanet
N'o deus mui a zaeloù
Deuet eo, siwazh, an devezh
Ma rankan dilezel, ma rankan dilezel
Lec'h kaer ma bugaleaj
Ma bro, kaer Breizh-Izel
Ma bro, kaer Breizh-Izel
[Eil strofad]
Keno dit, ma zi balan
Kuzhet 'barzh an draonienn
Tachenn c'hlaz war behini
Bugel, e c'hoarien
Gwez ivin ker bodennek
E disheol ar beure, e disheol ar beure
E-pad tommder an hañvoù
E kousken da greisteiz
E kousken da greisteiz
