Hent noazh
Me 'm eus ul labousig fidel
Du e veg, gwenn e ziwaskell
Me 'm eus ul labousig bihan
Kaver aour, kaver arc'han'
« Labous bihan, din-me lâret
Daoust petra hiziv 'peus kavet
Ken gae ho kan ha ken dreo
Diskouezit d'ho mestrig dillo ? »
Hag eñ da vont a doen da doen
'Vit respont betek ur feunteun
Kuzhet eno e foñs an dour
Pezhioù arc'hant, pezhioù aour !
Un den kraf 'zo deu't da glevet
Ha ma labous 'deus laeret
Ha ma labous 'deus dic'houezet
Ha lezet goude da vonet
Ha klañv gant ar c'hoant 'c'houlenne
Gant al labous pa zistroe
Gant al labous pa oa distro
Eus e nijadenn tro-war-dro :
« Labous bihan, din-me lâret
Daoust petra hiziv 'peus kavet
Ho kan ken dreo ha ken gae
Diskouezit d'ho mestrig neve' ? »
Hag eñ da vont a we'nn da we'nn
'Vit respont betek ur gleuzenn
Hag eno dihunet un naer
Ha setu flemmet al laer
Ha setu al laer flemmet
Ha nebeud goude tremenet
Ha nebeud goude tremenet
Ha din ma labous distroet !
Me 'm eus ul labousig fidel
Du e veg, gwenn e ziwaskell
Me 'm eus ul labousig bihan
Kaver aour, kaver arc'han'
