Gaude virgo mater Christi
Josquin Desprez
Gaude, virgo mater Christi,
quae per aurem concepisti,
Gabriele nuntio.
Gaude, quia Deo plena
peperisti sine poena,
cum pudoris lilio.
Gaude, quia tui nati
quem dolebas mortem pati,
fulget resurrectio.
Gaude Christo ascendente,
et in coelum te vidente,
motu fertur proprio.
Gaude quae post ipsum scandis,
et est honor tibi grandis,
in caeli palatio.
Ubi fructus ventris tui,
nobis detur per te frui,
in perenni gaudio.
Alleluia.
