Salve Regina
Robert Wylkynson
Salve Regina, mater misericordiae,
vita, dulcedo et spes nostra, salve.
Ad te clamamus,
exsules filii Evae.
Ad te suspiramus,
gementes et flentes in hac lacrimarum valle.
Eia ergo, advocata nostra,
illos tuos misericordes oculos
ad nos converte, et Jesum,
benedictum fructum ventris tui,
nobis post hoc exsilium ostende.
Virgo mater ecclesiae,
aeterna porta gloriae,
esto nobis refugium
apud Patrem et Filium.
O clemens!
Virgo clemens, virgo pia,
virgo dulcis o Maria,
exaudi preces omnium
ad te pie clamantium.
O pia!
Funde preces tuo nato,
crucifixo, vulnerato,
et pro nobis flagellato,
spinis puncto, felle potato.
O dulcis Maria, salve!
