Benedicta es caelorum Regina
Josquin Desprez
Benedicta es, caelorum regina,
et mundi totius Domina,
et aegris medicina.
Tu praeclara maris stella vocaris,
quae solem iustitiae paris,
a quo illuminaris.
Te Deus Pater, ut Dei Mater
fieres et ipse frater,
cujus eras filia,
Sanctificavit, sanctam servavit,
et mittens sic salutavit:
Ave plena gratia.
Per illud Ave prolatum,
et tuum responsum gratum,
et ex te Verbum incarnatum
quo salvantur omnia.
Nunc mater exora natum,
ut nostrum tollat reatum,
et regnum det nobis paratum
in caelesti patria.
Amen.
