CIVITAREDDHA
Simone Martino, Domenico Martino, Stefano Martino, AlfaMusic Studio S.a.s.
Civitaredda mia, civitaredda
’u bbeni ca ti vogghiu no’ lu sai
’a cchiù di ’n annu fazzu ’a sentineda
’a cchiù di ’n annu fazzu va’ ca vai
’A quandu t’aggiu vistu a la finesta
a chiddhu jornu chi stinnivi i panni
’stu cori pari ’na campana a festa
chi sona comu fussi festa ranni
’On pigghiu cchiù ricittu ’a cchiù di ’n annu
’a cchiù di ’n annu ’on pigghiu cchiù ricittu.
Sempri nta ’ssa vanedda addimandandu
ma cchiù addimandu e cchiù mi vrisci ’n pittu
’U sacciu m’hannu dittu c’on c’è dota
ca nun c’è dota e non ci su’ ricchizzi
tu sì la dota non di ’nguna vota
ca li ricchizzi toi su’ li biddizzi
M’è statu dittu puru ca sì ninna
ma tu all’occhi mî sì ’na culonna
ti vogghiu crisci ’i ti fazzu ranna
t’aduru comu fussi ’na madonna.
