Konsiensia
Mayra Andrade
Penumbra dja nvadí-m spritu
Láguas intchí-m na petu
Nha gritu ki dura mudu
Nós fraternidáde surdu
Ngatchádu na ndiferénsa
Nu odja kusas stránhu
Tcheu d-ês era tristi
Nu ka fazi náda
I sempri nu sisti
Ah konsiénsia!
Nha konsiénsia ka-bu durmi más ki si
Korda pa-m podi riaji
Konsola tchoru maguádu
Labánta nu bem muda mundo!
Ah konsiénsia!
Nha konsiénsia ka-bu durmi más ki si
Mostrâ-m óra di kel abrásu
Djuntá-nu pa-nu buli mundu!
Ka-bu dexâ-m sima saku baziu
Sima pedra parádu na fundu d-es riu
Tomâ-m kónta-kabésa
Pa sangi subi-m na korpu!
Nha gritu pa justisa
É kánta pa igualdádi
S'é pa-m tchora njustisa
Xa-m kánta pa igualdádi
I manifesta pa liberdádi
Ah konsiénsia!
Nha konsiénsia tomá-nu kónta-kabésa
Pa nós tudo bem korda
I alkánsa umanidádi
Pa-nu vivi k'umanidádi
