17 HK Rap Up (Radio Edit)

MastaMic
08到17十年嘅Rap Up
一年一Rap Up一個美德
以前嘅新聞你未必記得
但應該記得有人做過Rap Up
華仔墮馬重傷康復得完美
咁快好返係咪飲咗道地
講起freestyle梗係要問龍哥
三七氣流一轉 法科界一哥
借個女上位嗰個 Celine Daddy
父憑女貴佢先係 very very very happy
點樣磨利刀點樣先磨得好
問吓霆鋒佢專長磨鋸齒刀
反黑招積哥做戲夠晒好睇
不過講真我鐘意佢做一路向西
港女Seasun話有樓先有高潮
我有樓呢啲貨色俾我都唔*
全城Hip Hop因為中國有嘻哈
其他嘢唔記得除咗你有freestyle嗎
個個都拍拖唔通個個都想拍拖
唔通阿Gill近期進修哲學科
山東婆形象深入民心
多謝你嘅敬業樂業rest in peace 魯芬
雖然Linkin park嘅主音自殺離世
但係佢留底嘅音樂一定流傳後世
方皓玟封盤變成人妻
咁都動搖唔到佢係我女神嘅地位
余文樂皮帶千金共諧連理
可能係反寸版Fifty Shades of Grey
陳冠希榮升做daddy
個女個契爺係咪A$AP Rocky
Angelababy生咗Baby
B仔花名叫angelababybaby
Whatsapp可撤回訊息拯救大家
起碼以後唔使擔心打錯傻西瓜
日本財團收購咗譚仔咁癲
以後叫雲南米線定雲南拉麵
朗豪坊恐怖冧天梯
十八個人人疊人碌咗落嚟
曹星如大戰河野公平險勝
不敗拳王職業22連勝完成
10號颶風天鴿威力太驚人
吹完澳門好似經歷咗大地震
九龍灣色魔姦劫太可恥
係警署用lan缐上吊好有可疑
入境處去HA捉外國樂手
水貨客唔見捉得咁爽手
一張丟空了無人坐的櫈
一段最後的陳述完結人生
即使被碾成粉末嘅肉身
仍會用灰燼去擁抱世人
痴缐佬係港鐵自焚
一名女學生嚴重燒親
另外仲有受傷十九人
得罪講句你死你事咪累到人
石硤尾雪糕伯伯Rest In Peace
多謝你60年陪伴無數莘莘學子
老夫子作者王澤離開我哋
多謝你教識好多人咩叫耐人尋味
營救行山人士消防總隊目邱少明
意外殉職市民含淚向你致敬
港大嘅校長馬斐森
未夠期都嗱嗱聲跳槽走人
我諗佢都怕咗班牛鬼蛇神
點諗到校長只係傀儡化身
香港me too 欄后呂麗瑤
No Comment廢事衰多口中招
七警罪成被判監
呢啲係咪就係所謂天有眼
臨退休先整獲甘
朱經緯有得震無得瞓
煲呔曾被判罪成
幾年審訊搞到自己不似人型
劉皇發離世建制派感到相當感觸
因為班人無得再籍口等埋發叔
頂唔順阿周浩鼎
邊有做奸人做到咁醒
UGL份文件被特首辦大量修訂
唔知以為佢係直屬梁震英
林子建白鴿黨影帝
一招被強力部門捉走苦肉計
吹水搏上位眼高手低
點知真相被閉路電視拍低
新官上任三把火
佔中人士清算第一波
宣誓事件再起風波
四個議員即刻被人開波
一次過DQ曬四個
剝奪民意授權係結果
一地兩檢港人無選擇
一本任佢解讀嘅基本法
背後嘅目的有古惑
割地行內地法制係咩玩法
一聽國歌要肅立
鬼叫基本法加條國歌法
睇波聽到國歌最好即時站立
否則睇波都會變成犯法
十年Rap Up到此為止
多謝各位一直以嚟嘅支持
3月16號將會推出MASTAPIECE
同日麥花臣concert有發佈CD
大家記住買飛多多捧場
希望當日有你哋大合唱
期待全場為我歡呼鼓掌
支持我完成呢個偉大夢想