Sound Of Violence

Sound of Violence

唱：MastaMic
曲：Joey Lam / 陳瑋洛
詞：MastaMic
編：Joey Lam / 陳瑋洛
監：Joey Lam / MastaMic / 陳瑋洛

咩係暴力 點算暴力
邊個最暴力 邊個最愛暴力

咩係暴力 點算暴力
邊個最暴力 邊個最愛暴力

世界有幾多種暴力
有無人識解釋乜嘢誕生暴力
係咪肢體先可以產生暴力
仲有咩可以引申暴力
憤怒產生暴力定暴力產生憤怒
越暴力越憤怒定越憤怒越暴力
混亂引致暴力定暴力引致混亂
越暴力越混亂定越混亂越暴力
有無分好嘅暴力 有無分壞嘅暴力
有無分善嘅暴力 有無分惡嘅暴力
點樣分析好同壞嘅暴力
點樣解釋善同惡嘅暴力
假如有正義暴力 同時有邪惡暴力
咁幾時先係正義暴力幾時先係邪惡暴力
係咪雙眼睇得見先係暴力
有無雙眼睇唔到嘅暴力
抽象 實體 邊樣先係暴力
暴力係咪即係武力
如果暴力係指武力
係咪任何使用武力嘅人都係暴力
如果唔係使用武力嘅人都算暴力
咁點先界定到使用武力嘅人係咪暴力
如果受到暴力對待應否用暴力還擊
用暴力還擊係咪我都算係用咗暴力
以暴易暴係咪都算係暴力
究竟咩時候先應該使用適當暴力

暴力可否包含深度
暴力是否等於粗暴
到底如何才算暴力
如何可以消滅暴力

係邊個使用最多暴力
邊個話自己最討厭暴力
討厭暴力嘅人係咪一定唔會使用暴力
人類話討厭暴力 但點解人類每日仍然堅持使用暴力
唔理乜嘢角色都可以同權力下嘅暴力角力
你眼見一切形式嘅暴力即管落力駁斥
當無辦法停止暴力侵蝕就以暴力解決暴力
現實沒有最暴力只有更暴力
暴力唔會因為道理而改變目的
太多次事跡太多證人太多次直接目擊
所有被毀屍滅跡時間令一切無聲無息
暴力會再為下個目的努力物色合適角色
背景渺小得有心無力
事實係偉大得不可抗力
就以X口中任何必要嘅方式
用力量推倒暴力 用力量打倒暴力
必要時使用暴力令敵對放下暴力
壓逼者大聲喝斥暴力只係一種形式
影像嘅掩飾令人痛恨那些被壓迫的
保護尊嚴嘅暴力應尊稱為智力
唔會為無意義嘅定義用語言去修飾
爭取係一種生存方式
你嘅沉寂只會獲得既得利益嘅感激
只要尚存一口氣息 準備為理想付出同等價值
一係自由 一係暴力 權力屬於自由意識

咩係暴力 點算暴力
邊個最暴力 邊個最愛暴力

咩係暴力 點算暴力
邊個最暴力 邊個最愛暴力