17 HK Rap Up (Masta Edit)
MastaMic
08到17十年嘅Rap Up
一年一 Rap Up 一個美德
以前嘅新聞你未必記得
但應該記得有人做過Rap Up
有人鐘意 有人憎
有人like 冇錢揾
講真做Rap Up係為港人當然係講心唔講金
嚟到最後一年開開心心
開埋香檳聽埋今年新聞
然後同大家正式告別一個10年說唱系列嘅誕生
華仔墮馬重傷康復得完美
咁快好返係咪飲咗道地
兩母女關係搞到一鑊泡
不過卓琳溝女的確有料到
講起freestyle梗係要問龍哥
三七氣流一轉法科界一哥
志雲大師七年勝訴唔使入冊
終於真係晴朗嘅一天出發
借個女上位嗰個 Celine daddy
父憑女貴佢先係 very very happy
余文樂EDC明爭暗鬥
即刻問GTR點同架FC鬥
點樣磨利刀 點樣先磨得好
問吓霆鋒佢專長磨鋸齒刀
反黑招積哥做戲夠晒好睇
不過講真我鐘意佢做一路向西
張敬軒俾我是歌手cut鏡頭
個節目不如改名做我cut歌手
一蚊Joe直播老婆生仔呃like
下次直播做人過程肯定更多人睇
港女Seasun話有樓先有高潮
我有樓呢啲貨色俾我都唔
全城Hip Hop因為中國有嘻哈
其他嘢唔記得除咗你有freestyle嗎
個個都拍拖唔通個個都想拍拖
唔通阿Gill近期進修哲學科
六嬸方逸華因病離去
終於可以同六叔係天國團聚
山東婆形象深入民心
多謝你嘅敬業樂業rest in peace魯芬
雖然Linkin Park嘅主音自殺離世
但係佢留低嘅音樂一定流傳後世
成為人妻宅男女神Anjay
毒男唔使傷心其實人妻仲好J
方皓玟封盤變成人妻
咁都動搖唔到佢係我女神嘅地位
余文樂皮帶千金共諧連理
可能係反寸版Fifty Shades of Grey
陳冠希榮升做daddy
個女個契爺係咪A$AP Rocky
Angelababy生咗baby
B仔花名叫Angelababybaby
相差22歲方媛同郭富城
51歲做老襯Aaron係狂野之城
奇妙電視開台有幾奇妙
周圍都收唔到就已經夠搞笑
大台無啦啦整條限奶令
無奶睇咁點做到收視保證
之前套降魔的真係幾好睇
搞到人人以為揸親的士嘅都識捉鬼
今屆港姐盛傳造馬
唔記得個冠軍名浄係記得佢黑孖孖
講真myavsuper冇乜人知
免費宣傳易佢哋真係要多謝TVB
英足總盃決賽樂視無得睇
一齊告佢違返商品說明條例
iPhoneX售貴史上最乸脷
可惜佢已經唔會再炒得起
Whatsapp可撤回訊息拯救大家
起碼以後唔使擔心打錯傻西瓜
ATV用app翻生但要收費
以前免費無人睇咁而家點會俾錢睇
日本財團收購咗譚仔咁癲
以後叫雲南米線定雲南拉麵
朗豪坊恐怖冧天梯
18個人人疊人碌咗落嚟
曹星如大戰河野公平險勝
不敗拳王職業22連勝完成
10號颶風天鴿威力太驚人
吹完澳門好似經歷咗大地震
竟然有媽媽將12歳女碎屍
原來都係因為吸食毒品累事
九龍灣色魔姦劫太可恥
係警署用lan缐上吊好可疑
入境處去HA捉外國樂手
水貨客唔見捉得咁爽手
你個撚樣鍾連輝
搞狗仔咒到你個仆街終身殘
一張丟空了無人坐的櫈
一段最後的陳述完結人生
即使被碾成粉未嘅肉身
仍會用灰燼擁去抱世人
今年嘅醫療事故好幾次
好似可憐嘅母親鄧桂思
換肝兩次最後肝衰竭不治
醫院一個月後公佈實在太遲
痴缐佬係港鐵自焚
一名女學生嚴重燒親
另外仲有受傷嘅19人
得罪講句你死你事咪累到人
七一 訪港 習總駕到
全港即時有大規模封路
好多市民即刻怨聲載道
大大聲問雷峰精神係邊度
石硤尾雪糕伯伯Rest In Peace
多謝你60年陪伴無數莘莘學子
老夫子作者王澤離開我哋
多謝你教識好多人咩叫耐人尋味
營救行山人士消防總隊目邱少明
意外殉職市民含淚向你致敬
葉繼歡出名揸AK嘅悍匪
賊王最後都係監獄度行到尾
興德學校搞忍者培訓
好多學生都識影分身
教大調查諷刺蔡若蓮黑手
流出閉路係一次文革式批鬥
港大嘅校長馬斐森
未夠期都嗱嗱聲跳槽走人
我諗佢都怕咗班牛鬼蛇神
點諗到校長只係傀儡化身
中大拆走學生標語損形像
再見唔再民主嘅民主牆
港珠澳橋石屎測試造假
學埋大陸基建都變豆腐渣
香港me too 欄后呂麗瑤
No Comment廢事衰多口中招
DR醫學美容殺人毒針療程
幾年審訊終於判周向榮誤殺罪成
曾建超放棄上訴承擔責任
諗住感化七警個諗法太天真
七警罪成被判監
呢啲咪就係所謂天有眼
臨退休先整獲甘
朱經緯有得震無得瞓
雙學三子得罪律政司
佢話無得社會服務令咁便宜
煲呔曾被判罪成
幾年審訊搞到自己不似人型
袁國強終於辭職
呢樣係佢任內最出色嘅功績
吳克儉亦今年退休
大家大大力拍手送走幕後黑手
因為奪字有暴力意味要加刑
咁何君堯殺無赫係咪同樣要判刑
劉皇發離世建制派感到相當感觸
因為班人無得再籍口等埋發叔
頂 唔順阿周浩鼎
邊有做奸人做到咁醒
UGL份文件被特首辦大量修訂
唔知以為佢係直屬梁震英
林子建白鴿黨影帝
一招被強力部門捉走苦肉計
吹水搏上位眼高手低
點知真相被閉路電視拍低
曾俊華 就玩親民
林鄭呢 阿爺最親
葉劉哭崩長城都無份
胡國興擺明係陪襯
選特首邊使民意
小圈子總之跟足阿爺聖旨
凡事都按本子辧事
上面控制投票人嘅意志
新官上任三把火
佔中人士清算第一波
預約檢控電話急call
加埋佔中三子足足拉咗9個
故官博物館15年就舖路
反正決定權唔係你同我度
宣誓事件再起風波
四個議員即刻被人開波
一次過DQ曬四個
削奪民意授權係結果
千幾萬薪金被即時追討
成單嘢由建制派主導
再動議修改議事規則反拉布
咁嘅立法會仲邊有公道
一地兩檢港人無選擇
一本任佢解讀嘅基本法
背後嘅目的有古惑
割地行內地法制係咩玩法
一聽國歌要肅立
鬼叫基本法加條國歌法
睇波聽到國歌最好即時站立
否則睇波都會變成犯法
十年Rap Up到此為止
多謝各位一直以嚟嘅支持
三月十六號將會推出MASTAPIECE
同日麥花臣concert有發佈CD
大家記住買飛多多捧場
希望當日有你哋大合唱
期待全場為我歡呼鼓掌
支持我完成呢個偉大夢想
