17 HK Rap Up (Full Version)
MastaMic
08到17十年嘅Rap Up
一年一 Rap Up 一個美德
以前嘅新聞你未必記得
但應該記得有人做過Rap Up
十年人事幾翻身
做咗十年嘅Rap Up係好艱辛
新聞變押韻開頭夠創新
寫新聞到變成新聞做訪問
有人鐘意 有人憎
有人like 冇錢搵
講真做Rap Up係為港人當然係講心唔講金
嚟到最後一年開開心心
開埋香檳聽埋今年新聞
然後同大家正式告別一個10年說唱系列嘅誕生
華仔墮馬重傷康復得完美
咁快好返係咪飲咗道地
兩母女關係搞到一鑊泡
不過卓琳溝女的確有料到
講起freestyle梗係要問龍哥
三七氣流一轉 法科界一哥
人靚就算講粗口都唔算粗魯
唔信你睇吓張曦雯直播打機爆粗
志雲大師七年勝訴唔使入冊
終於真係晴朗嘅一天出發
麥紫莉講大話話去日本拍AV
一早估到講大話 你估拍AV係咁易
借個女上位嗰個 Celine Daddy
父憑女貴佢先係 very very very happy
余文樂 EDC 明爭暗鬥
即刻問GTR點同架FC鬥
點樣磨利刀點樣先磨得好
問吓霆鋒佢專長磨鋸齒刀
樂易玲大戰歐錦棠
證明唔稀罕就冇嘢唔夠膽講
杜如風水魚攻略有辦法
位位盛惠八萬八千八百八十八
憑樹大招風攞影帝嘅林家棟
仲有冇人記得茶是故鄉濃
反黑招積哥做戲夠晒好睇
不過講真我鐘意佢做一路向西
張敬軒俾我是歌手cut鏡頭
個節目不如改名做我cut歌手
無形之手搞到達明開show換海報
個理由係開不了口讓你知道
王菲同馬雲整首合唱歌
呢啲咪就係有錢使得鬼推磨
一蚊Joe直播老婆生仔呃like
下次直播做人過程肯定更多人睇
港女Seasun話有樓先有高潮
我有樓呢啲貨色俾我都唔
關淑怡涉嫌襲擊被捕
搵仔仔個老豆寧波車祝福祈禱
聽聞跳舞公司廉價請dancer
陰公千嬅無啦啦整笪疤
全城Hip Hop因為中國有嘻哈
其他嘢唔記得除咗你有freestyle嗎
單文柔先係陳展鵬嘅情人
證明佢同胡定欣私下唔係同盟
估唔到王浩信傳緋聞竟然同達哥
原來係蔡思貝 sorry 我一時搞錯
個個都拍拖唔通個個都想拍拖
唔通阿Gill近期進修哲學科
人生如戲 戲如人生
陳煒恩愛做節目但五年前已離婚
唐寧宣佈離婚機會啦飛雲
大家恭喜我因為我好快好事近
陳雅倫情傾吳彥祖嘅老表
可能係想識表弟借表哥過橋
江若琳以後唔驚冇得搵食
我估Oscar保證你生煎包免費任食
連梁柏堅都有床照糾紛
我咁靚仔點解竟然無女埋身
六嬸方逸華因病離去
終於可以同六叔係天國團聚
山東婆形象深入民心
多謝你嘅敬業樂業rest in peace 魯芬
歐陽佩珊最終不敵癌魔
我諗無人比郭峰感覺更加難過
雖然Linkin park嘅主音自殺離世
但係佢留低嘅音樂一定流傳後世
再見陳子強金牌經理人
天堂好多巨星等佢做management
江漢嘅慈父演繹零舍出色
佢扮有錢佬成為港人集體回憶
曾守明喺台上突然暈低
都算係生係舞台人死係舞台鬼
成為人妻宅男女神Anjay
毒男唔使傷心其實人妻仲好J
方皓玟封盤變成人妻
咁都動搖唔到佢係我女神嘅地位
余文樂皮帶千金共諧連理
可能係反寸版Fifty Shades of Grey
我唔在意樂基兒同邊個再婚
我淨係在意黎明有冇火滾
陳冠希榮升做daddy
個女個契爺係咪A$AP Rocky
Angelababy生咗Baby
B仔花名叫angelababybaby
相差22歲方媛同郭富城
51歲做老襯Aaron係狂野之城
楊采妮生孖B組成幸福家庭
呢舖仲唔係所謂嘅玉女添丁
本來冇人識嘅松岡李娜
人人皆知真係要多謝華哥洗胃華
鄧少尊一拖三現代韋小寶
不過講真都要睇拖嘅咩質素
謝婷婷自導自演話戀上鷹眼
但人哋否認唔知佢可以點撐
奇妙電視開台有幾奇妙
周圍都收唔到就已經夠搞笑
大台無啦啦整條限奶令
無奶睇咁點做到收視保證
失驚無神播套蘭花劫
10年前嘅倉底貨難怪收視跌
之前套降魔的真係幾好睇
搞到人人以為揸親的士嘅都識捉鬼
講家事嘅節目叫關你家事
衰啲講句人哋家事關你叉事
今屆港姐盛傳造馬
唔記得個冠軍名淨係記得佢黑孖孖
原來林峰係陳豪個仔
想知點解使徒行傳二幫你解開呢個迷
世界零距離三唔少得金句王
方東昇話 一試無妨 再試投降
好多人有睇不懂撒嬌的女人
遊生袁文傑就係咁一舖翻身
講真Myavsuper冇乜人知
免費宣傳易佢哋要多謝TVB
英足總盃決賽樂視無得睇
一齊告佢違返商品說明條例
仼天堂靠switch咸魚翻生
終於一洗頹氣業蹟大幅反彈
iPhoneX售貴史上最乸脷
可惜佢已經唔會再炒得起
海洋公園鬼屋玩到有人死
呢鋪哈囉喂隨時猛鬼陪住你
Road to Ultra有人OD
咩年代仲食毒品先去party
Whatsapp可撤回訊息拯救大家
起碼以後唔使擔心打錯傻西瓜
ATV用app翻生但要收費
以前免費無人睇咁而家點會俾錢睇
Respect中學女教師曾燕紅
為鼓勵學生挑戰珠穆朗瑪峯
日本財團收購咗譚仔咁癲
以後叫雲南米線定雲南拉麵
Cut有線係不可能仼務
九倉吳光正蝕咗5億先cut到
老麥被央企收䐟唔再係美資
都啱嘅反正個logo條紅底黃字
潮流派對用錯UV燈灼傷人
唔通潮人愛衞生要殺菌
馬雲套功守道有甄子丹巨星
所以我都話有錢就可以任性
食燒肉 食出火
男女爭埋單互相死過
平時個個都叫我大哥
AA制即係唔俾面我
唔講唔知大部份肉類嚟自巴西
黑心肉令餐廳無得食豬牛雞
朗豪坊 恐怖 冧天梯
十八個人人疊人碌咗落嚟
吳安儀係桌球世錦賽冠軍
aka 香港女版奧蘇利雲
曹星如大戰河野公平險勝
不敗拳王職業22連勝完成
今年嘅運動KOL特別多
跳高紀錄保持者楊文蔚係最靚嗰個
FFG健身方法唔係逼人跑步
涉嫌逼人買12萬課程跑數
飛馬球員涉嫌打假波
好奇一問乜真係仲有人賭本地波
17嘅summer 係最 lit
36.6度 有史以嚟 最炎熱
10號颶風天鴿威力太驚人
吹完澳門好似經歷咗大地震
棕櫚硬脂係海到好難打撈
最後搞到成個沙灘硬膠膠
竟然有媽媽將12歳女碎屍
原來都係因為吸食毒品累事
九龍灣色魔姦劫太可恥
係警署用lan缐上吊好有可疑
入境處去HA捉外國樂手
水貨客唔見捉得咁爽手
同囚揭穿虐待少年犯人
咁多年懲教處無人監管過問
你個撚樣鍾連輝
搞狗仔咒到你個仆街終身殘
美國新總統係Donald Trump
最叻發表謬論佢花名係Donald Dumb
一張丟空了無人坐的櫈
一段最後的陳述完結人生
即使被碾成粉末嘅肉身
仍會用灰燼去擁抱世人
黑獄斷腸歌唔係戲咁簡單
現實係鄧龍威仲係菲律賓坐冤枉監
今年嘅醫療事故好幾次
好似可憐嘅母親鄧桂思
換肝兩次最後肝衰竭 不治
醫院一個月後公佈實在太遲
港鐵 觀塘線痴咗缐
十個半鐘延誤太過癲
痴缐佬係港鐵自焚
一名女學生嚴重燒親
另外仲有受傷十九人
得罪講句你死你事咪累到人
城巴插入人哋騎樓仲撞死人
以為睇緊CG但其實睇緊新聞
香港快運嘅乘客真係激死
十一國慶取消十八班機
點諗到飛機公司會放飛機
又引證平嘢係無好嘅道理
七一訪港 習總駕到
全港即時有大規模封路
好多市民即刻怨聲載道
大大聲問雷峰精神係邊度
抽起頭條新聞嘅TVBB
違反牌照規定最後都不了了之
黃浩入主壹周
以為編採自主自動失守
好彩好似有人反口
咁先勉強保留到編採自由
公和荳品店九龍城老字號
幾十年傳统食環一樣照告
都唔知道係無腦定扮有態度
或者係叫食飽飯無嘢做
中環檀島蛋撻好味道
無得再去因為翠華40萬租搶舗
石硤尾雪糕伯伯Rest In Peace
多謝你60年陪伴無數莘莘學子
再見港大uhall三寶嘅三嫂
港大人永遠會記得你嘅好
老夫子作者王澤離開我哋
多謝你教識好多人咩叫耐人尋味
人稱壽星仔之父上官小強老師
多謝你對港漫嘅貢獻 RIP
營救行山人士消防總隊目邱少明
意外殉職市民含淚向你致敬
葉繼歡 出名揸AK 嘅悍匪
賊王最後都係監獄度行到尾
7歲仔俾人蝦到擦膠塞耳仔
學校唔知定係想將消息封閉
浸大學生跳樓Facebook遺言
用死去叫大家咪信一地兩檢
興德學校搞忍者培訓
好多學生都識影分身
我以為陳校長係火影傳人
原來只係想呃政府資助金
教育局副局長報到
蔡若蓮長子踏上不歸路
連自己個仔都救唔到
點信你有能力教導 香港班細路
教大調查諷刺蔡若蓮黑手
流出閉路係一次文革式批鬥
港大嘅校長馬斐森
未夠期都嗱嗱聲跳槽走人
我諗佢都怕咗班牛鬼蛇神
點諗到校長只係傀儡化身
中大拆走學生標語損型像
再見唔再民主嘅民主牆
被判社會服務令嘅馮敬恩
佢話遠離政明節保身
雖然最低工資再次調高
加到34.5 都追唔到通脹速度
樂善堂賣旗旗袋睇磅數
學生賣旗慘到好似去跑數
10年嚟有薪假期都計漏佣金
中原只肯補返六年咁無良心
國泰600員工被炒魷
都係十九理由咩精簡架構
決定用7億活化中環街市
希望唔會似其他基建狂超支
港珠澳橋石屎測試 造假
學埋大陸基建都變豆腐渣
香港me too 欄后呂麗瑤
No Comment廢事衰多口中招
DR醫學美容殺人毒針療程
幾年審訊終於判周向榮誤殺罪成
曾建超放棄上訴承擔責任
諗住感化七警個諗法太天真
江湖救七警
出手大孖沙夠背景
洗胃華楊收成
等我call網劇反黑陳sir傾傾
警察自稱係被逼害嘅猶太人
有槍有警棍點睇都似係德軍
雙學三子得罪律政司
佢話無得社會服務令咁便宜
刑期覆核你要坐多啲
起碼坐返6個月先啱佢心意
煲呔曾 被判罪成
幾年審訊搞到自己不似人型
早知今日何必有當初嘅行徑
搞到自己變成掃把星
七警罪成被判監
呢啲咪就係所謂天有眼
臨退休先整獲甘
朱經緯有得震無得瞓
打完人邊有咁易甩身
退休警司轉行做監踎
袁國強終於辭職
呢樣係佢任內最出色嘅功績
吳克儉亦今年退休
大家大大力拍手送走幕後黑手
田北辰退出新民黨
原因係不滿葉劉一言堂
因為奪字有暴力意味要加刑
咁何君堯殺無赫係咪同樣要判刑
劉皇發離世建制派感到相當感觸
因為班人無得再籍口等埋發叔
頂唔順阿周浩鼎
邊有做奸人做到咁醒
UGL份文件被特首辦大量修訂
唔知以為佢係直屬梁振英
林子建白鴿黨影帝
一招被強力部門捉走苦肉計
吹水搏上位眼高手低
點知真相被閉路電視拍低
曾俊華 就玩親民
林鄭呢 阿爺最親
葉劉哭崩長城都無份
胡國興攞明係陪襯
選特首邊使民意
小圈子總之跟足阿爺聖旨
凡事都按本子辧事
上面控制投票人嘅意志
林鄭人稱 CY2.0
一上仼就即刻現形
口講修補撕裂都只係宣稱
反正大大個西環係後面照應
新官上任三把火
佔中人士清算第一波
預約檢控電話急call
加埋佔中三子足足拉咗9個
故宮博物館15年就舗路
成件事咁耐都無人知道
公眾諮詢目的為呃細路
反正決定權唔係你同我度
梁游終極上訴以失敗終止
希望年輕人經一事長一智
宣誓事件再起風波
四個議員即刻被人開波
一次過DQ曬四個
剝奪民意授權係結果
千幾萬薪金被即時追討
成單嘢由建制派主導
再動議修改議事規則反拉布
咁嘅立法會仲邊有公道
一地兩檢港人無選擇
一本任佢解讀嘅基本法
背後嘅目的有古惑
割地行內地法制係咩玩法
一聽國歌要肅立
鬼叫基本法加條國歌法
睇波聽到國歌最好即時站立
否則睇波都會變成犯法
十年Rap Up到此為止
多謝各位一直以嚟嘅支持
3月16號將會推出MASTAPIECE
同日麥花臣concert有發佈CD
大家記住買飛多多捧場
希望當日有你哋大合唱
期待全場為我歡呼鼓掌
支持我完成呢個偉大夢想
