12 HK Rap Up (Radio Edit)

又話今年係世界末日
20121221有驚無險俾我符碌過骨
幾驚今年我無命做Rap Up
好彩仲有命Rap得睇吓今年又會Rap乜
免費電視牌照政府就係唔俾
維基解密都解唔開維基點維皮
一品花雕雞食完有片睇
最咀刁嘅老細有片都唔肯放出嚟
低俗喜劇本年度港產片奇葩
港人愛爆粗我就愛爆炸糖DADA
劉公子著Givenchy去打官司
佢話佢影相係影意念 唔係影body
明哥演唱會頭頂陽具帽
腳踏紅館出櫃認我係基佬
出櫃何韻詩佢係勞斯
咁邊個係癡情司嘅萊斯
師兄今年情場事業兩得意
恭喜髒話阿七上榜又追到祖兒
一班中女加兩件人生教練
係盛女愛作戰定係盛女愛作賤
紅遍全球有PSY OPPA 江南Style
聽過不如聽吓我嘅 RAPPA 艱難Style
亞視係最具娛樂性電視頻道
王征係政總騎呢跳騎呢騎馬舞
大陸台慶 show 得一兩成觀眾係度
唔上洗腦堂 藝員即炒就無得撈
趙世曾為愛女用5億招婿
如果唔介意趙生不妨考慮吓我馬米
Lady GaGa 又名 呢啲飛加價
3萬一張飛炒到天價貴過豪宅尺價
YY Show今年係樂壇盛事
靚人靚衫靚歌個個樂壇VIP
向西村上春樹本一路向西
由網絡紅到大銀幕 文字變立體
兒歌天后purple太離譜
工人床係馬桶上面太唔人道
龍心人網公然非禮仙樂都
成條video喺度今舖你扮傻都甩唔到
香港一人一票選港姐已經有
唉 唔知幾時有一人一票選特首
今年重組嘅Shine經典係祖與占
當年我聽Shine都只係半成年
羅慧娟抗癌鬥士Rest In peace
張達明祝你嘅病盡快成功醫治
唔俾港人影相國際大牌 D&G
北京孔慶東教授話港人DOG
蝗蟲內地炒家自由行
商場地鐵遍地黃金
內地人搶奶粉雙非孕婦橫行
上水變水貨中心香港市民百上加斤
但歧視唔應該係香港發生
記住中國人永遠不打中國人
劉翔一跨即仆緣盡奧運
昔日嘅芵雄今日慘變罪人
李慧詩倫奧嘅零的突破
證明屋邨長大努力一樣有好成果
學民黄之鋒大戰國民小先鋒
12萬身穿黑衫市民佔領政總
特首要龍定係要豬
東方之珠要贏龍豬就一定要輸
唐唐話男人要有膊頭有腰骨
感情缺失課外活動被爆私生子秘密
消失的密室要老婆出面承擔過失
我話唐唐你有條消失的腰骨
梁振英你呃人你無品
你參選時講過僭健你無份
最後發現6處僭建你講到自己無責任
僭建封咗就係唔存在個答案夠創新
南丫十一海難39人死慘絕人寰
國慶煙花嘅慛燦照亮唔到人間
立法會選舉建制派大勝
全靠佢哋配票絕頂精密準繩
鏞記爭產 郭家爭產
我估佢哋阿爸知道肯定死咗都激番生
今年籃球界有句名言
就係平生不識Jeremy Lin縱識Jolin也枉然
李旺陽 坐21年政治監
慨嘆佢話砍頭也不回頭 結果一語成籤
人民力量拉布拉足10幾日
結果主席剪布宣佈拉布完畢
香港膠災中石化膠粒意外跌落海
好彩市民自發團結起來清理膠災
以前食毒品啪針先會死人
以家醫學美容都會死人真係奇聞
DBC因股東爭執慘被封殺
大班話事實上政治打壓
而家DBC延伸至D100
繼續監察政府批評不公平政策
貪心許仕仁貪心害市民
但最貪心嘅官員竟然係姓曾
貪心嘅貪曾越貪越深
被踢爆嘅貪曾最後要喊住離任 (抵死)
麥齊光做局長12日被人拉咗
呃租金津貼都係貪心惹的禍
陳茂波綽號捱鬧的波兒
經營劏房嘅醉駕局長最可恥
劏房局長一做錯事學佢波士
出事係老婆公司事件事唔關自己事
林奮強佢又涉嫌偷步賣樓
衰咗佢又搵佢老婆出頭
究竟呢個政府係以邊個為首
點解所有人出事都要太太認頭 (點解呢)
七年磨一劍 我終於推出專輯
流行反擊戰 唔聽保證係你消息
記實2013年3月30
我哋7年嘅夢呢一曰變成現實