12 HK Rap Up (Full Version)

又話今年係世界末日
20121221有驚無險俾我符碌過骨
幾驚今年我無命做Rap Up
好彩仲有命Rap得睇吓今年又會Rap乜
免費電視牌照政府就係唔俾
維基每個月180萬 係咁俾
係咁俾咁重皮個牌係唔俾你
維基解密都解唔開維基以後點維皮
一品花雕雞食完有片睇
最咀刁嘅老細有片唔肯放出嚟
志偉摑老細老細告梁烈唯
老細咪呃鬼有片我俾like冇片咪亂吠
一世流流長總會愛上幾個人渣
春嬌與志明愛上人渣創票房神話
低俗喜劇本年度港產片奇葩
港人愛爆粗我就愛爆炸糖DADA
劉公子著Givenchy去打官司
佢話佢影相係影意念唔係影body
咁點解一路影相 一路非禮人小弟弟
有心定無意 的士陳謙謙先知
謙仔楊枱斷正玩車震
解釋籍口竟然係楊枱食雲吞
明哥演唱會頭頂陽具帽
腳踏紅館出櫃認我係基佬
出櫃何韻詩佢係勞斯
咁邊個係癡情司嘅萊斯
成龍大哥話要管制遊行
我話要管先管制你五毛黨腦殘口吻
邊個話靚仔有錢專一有美滿婚姻
你睇下黎天王都要同Gaile離婚
李彩華爆被逼提供另類服務
是旦啦算數啦你嘅事無人想知道
師兄今年情場事業兩得意
恭喜髒話阿七上榜又追到祖兒
代毒男警告你好自為之
巨星咪再蝦我哋嘅心悠BB
一班中女加兩件人生教練
就係所謂嘅盛女愛作戰
盛女愛作戰 定係盛女愛作賤
你估企45度角真係會搵到月老紅線
小欣姐主持嘅爆足一週
無料爆兼新聞仲要遲足一週得4集被人兜
紅遍全球有PSY OPPA 江南Style
聽過不如聽吓我嘅 RAPPA 艱難Style
亞視係最具娛樂性電視頻道
王征係政總騎呢跳騎呢騎馬舞
大陸台慶show得一兩成觀眾係度
唔上洗腦堂你即炒就無得撈
跟住一齊shout 亞洲 亞洲
坦白講隻rap改到衰到無朋友
大家跟我一齊shout 亞洲 亞洲
亞洲收手 收手亞洲
趙世曾為愛女用5億招婿
如果唔介意趙生不如考慮吓馬米
今年我人生第一個雜誌cover
我嘅緋聞 係傳我同阿Tanya
我都想似K- Chek咁識吓 Shiga
人做Rapper我做Rapper我真係丟架
我都想似冬昕有好多好多錢
食好多好多好多好多好多軟雪糕
我仲好想好想好想好想打俾你
請你同我呢個好古怪嘅叔叔跳part古怪舞
講Fashion Rick Owen 梗係要搵柏豪
打碎玻璃杯 柏豪15鐘變大文豪
Lady GaGa 又名 呢啲飛加價
3萬一張飛炒到天價貴過豪宅尺價
YY Show今年樂壇盛事
靚人靚衫靚歌 個個樂壇VIP
細路有幸係當中嘅一份子
在此再次多謝Wyman兄衷心嘅支持
陳七好哋哋香港華人第一中鋒
戥佢心痛 為咗個窿 無咗份工
向西村上春樹本一路向西
由網絡紅到大銀幕 文字變立體
機機樂架飛機即將起飛
急急短訊機師LuLu幫佢起機
兒歌天后purple太離譜
工人床係馬桶上面太唔人道
俾人聲討 佢自己分身上訴
自己撐自己 恭喜自己再推上報
龍心人網公然非禮仙樂都
成條video喺度今舖你詐傻扮懵都甩唔到
高登仔話不知道陳偉霆是誰
秋生哥都話而我不知道羅志祥是誰
古明華憑蘇基證明自己演技
勇奪最佳男配角我衷心恭喜你
黑絲江美儀誘惑劉松仁激吻戲
點知道市民大反應大叫重口味
今年娛樂圈好多人生龍女龍仔
恭喜 千嬅 慧琳 6永 歐陽靖 同華仔
Paul哥結束愛情長跑娶朱茵
赤裸相擁二人世界變三人行
霍啟剛郭晶晶11月11結婚
祝你哋永結同心唔使步你老父後麈
卓韻芝著皮草激嬲網民
素顏嘅佢仍然係我嘅女神
無知嘅林以諾牧師話同性戀係犯罪
惡魔化同性戀 佢係宗教糾察隊
今年重組嘅Shine經典係祖與占
當年我聽Shine都只係半成年
農夫演唱會突然要取消
唔緊要 即刻變招 整個棟篤笑
應釆兒係微博向小三公開警告
肯定以後無妖精敢行近小春半步
羅慧娟抗癌鬥士Rest In peace
張達明祝你嘅病盡快成功醫治
我知杏兒你同bosco分手好傷心
但你都唔使幫民建聯拉票咁無品
香港一人一票選港姐 已經有
唉 唔知幾時有一人一票選特首
今屆奧運靚仔特別多
香港代表隊就係爭咗我
劉翔一跨即仆緣盡奧運
昔日嘅芵雄今日慘變罪人
李慧詩倫奧嘅零的突破
證明屋邨長大努力一樣有好成果
唔俾港人影相國際大牌D&G
北京孔慶東教授話港人DOG
今年中港矛盾由呢兩件事開始
一發不可收拾越嚟越大件事
蝗蟲 內地炒家 自由行
商場地鐵遍地黃金
內地人搶奶粉雙非孕婦橫行
上水變水貨中心香港市民百上加斤
內地司機出名駕駛態度差
有自駕容乜易撞車就話李剛係佢呀爸
我明白香港基層民不聊生
但歧視唔應該係香港發生
始終蝗蟲只佔內地人一小部份
記住中國人永遠不打中國人
佔領唔只係我同關楚耀一隻歌
係一個摧毀權勢運動需要你同我
香港由金融掌舵為金錢歲月蹉跎
佔領中環 係希望撕破金錢枷鎖
學民黄之鋒大戰國民小先鋒
12萬身穿黑衫市民佔領政總
全城反對被國民教育洗腦染紅
「撤科」之聲響徹整個金鐘
牛柳過百蚊斤時菜一斤十幾蚊
大家樂燒鵝飯賣得貴過鏞記嚇死人
仲有港女話結婚人情要多過500蚊
你話打工仔份人工邊夠養屋企人
未畢業排公屋廿幾歲住劏房
樓價有升無降 80後置業無望
一身嘅債項 換唔到一間睡房
係香港要安居樂業簡直係奢望
上一代辛勞半生為下一代留家產
結果往往兄弟見錢開眼骨肉相殘
鏞記爭產 郭家爭產
我估佢哋阿爸知道肯定死咗都激番生
所以李超人醒目眾目睽睽分身家
唔怕兩兄弟以後為爭產有官司打
今年籃球界有句名言
就係平生不識Jeremy Lin 縱識Jolin也枉然
A&F 嚟咗100個大隻仔
其實唔明點解 唔請出名大隻嘅馬米
香港要發達梗係靠炒
大家一齊炒中銀百年紀念鈔
反對網絡廿三條我哋憤怒了
連網上言論自由都禁止發表
緝毒犬Honey被遺棄差啲瞓棺材
校方一句合約完結就置身事外
好彩 Honey最後都搵到新主人愛
呢間學校學毓民話齋真係不該
香港膠災中石化膠粒意外跌落海
香港啲膠官話膠粒無毒對人體無害
所以唔公開仲想將事件掩蓋
好彩市民自發團結起來清理膠災
以前食毒品啪針先會死人
以家美容都會死人真係奇聞
DR醫學美容毒針照樣毒死人
杜sir下部戲唔拍奪命金不如拍奪命針
10年一遇嘅十號風球
李氏力場今次終於唔係對手
南丫十一海難39人死慘絕人寰
國慶煙花嘅慛燦照亮唔到人間
七色彩虹旗同志大遊行
為不同性取向爭取同一平等
獨立媒體遭人上門尋仇
你話香港仲邊度有新聞自由
DBC因股東爭執慘被封殺
大班話事實上政治打壓
而家DBC延伸至D100
繼續監察政府批評不公平政策
李旺陽坐21年政治監
一個訪問後被自殺嘅老弱傷殘
香港官員個個冷眼無人平反
慨嘆佢話砍頭也不回頭結果一語成籤
特首要龍定係要豬
東方之珠要贏龍豬就一定要輸
但係小圈子投票市民無得參與
結果邊個贏香港都後果堪虞
唐唐話男人要有膊頭有腰骨
感情缺失 課外活動被爆私生子秘密
消失的密室要老婆出面承擔過失
我話唐唐你有條消失的腰骨
梁振英你呃人你無品
你參選時講過僭健你無份
最後發現6處僭建你講到自己無責任
僭建封咗就係唔存在個答案夠創新
人民力量拉布拉足10幾日
王國興陪拉布日以繼夜夜以繼日
結果主席剪布宣佈拉布完畢
但我想問主席個句返嚟就郁係郁乜
立法會選舉建制派大勝
全靠佢哋配票絕頂精密準繩
泛民四分五裂嘅情形
加上葬送兩位政治明星
今屆選舉泛民賠了夫人又折兵
貪心許仕仁 貪心害市民
廉潔嘅形象統統呃人
我想問政府中仲有幾多醜聞
最貪心嘅官員竟然係姓曾
貪心嘅貪曾 越貪越深
官商勾結貪心就係原因
俗語有雲貪字結果得個貧
被踢爆嘅貪曾最後要喊住離任 (抵死)
麥齊光做局長12日被人拉咗
呃租金津貼都係貪心惹的禍
一子錯滿盤皆落索自食其果
但下個局長陳茂波一樣唔好得幾多
陳茂波綽號捱鬧的波兒
經營劏房嘅醉駕局長最可恥
劏房局長一做錯事學佢波士
出事係老婆公司事件事唔關自己事
林奮強又涉嫌偷步賣樓
衰咗又係搵佢老婆出頭
究竟呢個政府係邊個為首
點解 所有人出事都太太認頭 (點解呢)
七年磨一劍 我終於推出專輯
流行反擊戰 唔聽保證係你損失
記實2013年3月30
我哋7年嘅夢呢一曰變成現實