Serenata smargiassa

E cant'i' pure sotto a stu balcone
Comm'è?! Cantanno vuje, nun s'è affacciata?
Vedimmo si lle faccio 'mpressione
O perd'i' pure 'o tiempo e 'a serenata!
Ll'avite fatta jí troppo 'nfantasia:
La ronna nun s'ha da trattá cu 'e guante
S'ha da ammappuciá!
Mo ch'essa sente 'a serenata mia
- senza squarciuniá -
Mi preferisce in mezzi a centi amante!
"O ronna ca de ffate si' 'a cchiù bella
Se non ti affacci cu stu chiaro 'e luna
Poso 'a chitarra, caccio 'a rivuldella
E ti frezzéo le lastre a una a una!
E se con questo non ci accaccio niente
Io, pe' nun fá 'a figura del citrulo
Saccio comm'aggia fá!
Domani, addó' te 'ncòccio, gentilmente
- no per esagerá -
Ti piazzo in faccia il taglio del rasulo!"

Tenete mente! Un lumo e una figura!
Lei mi fa un segno e dice: "Saglie, viene!"
A letto non si sente più sicura
E i' mo nci saglio perché mi conviene!
Ci vuole la parola convincente
'e ll'ommo ca s'impone cu 'a presenza
Pe' farla ricalá!
Ma se cantate appassiunatamente
Játeve a ritirá
Se poi restatebuona permanenza!