Ballonne
Langs die strate in die reën
Stap ek hartseer en alleen
Want my lief, jy is so ver en ek verlang
Maar ek weet jy moes vertrek
Na 'n onbekende plek op ons land se grens
So ver weg moes jy gaan
Soos ballonne in die wind sal my soene jou mos vind
Want ek stuur hul vol van liefde net vir jou
En die duisend kleurballonne net soos helder somer blomme
Is 'n boodskap wat jou sê ek bly getrou
Liefde is 'n rooi ballon
'n Gele is om terug te kom
Daar's 'n groene wat bewys ek hoort aan jou
Pienk is soos 'n liefdesbrief
Om te sê ek het jou lief
Sonder jou is my dae almal blou
Soos ballonne in die wind sal my soene jou mos vind
Want ek stuur hul vol van liefde net vir jou
En die duisend kleurballonne net soos helder somer blomme
Is 'n boodskap wat jou sê ek bly getrou
Ballonne, jul moet by hom bly, bring hom veilig terug na my
Uit die verre vreemde om my op te beur
Terugkom tyd breek eindelik aan
Toe ek kyk sien ek hom staan met 'n arm vol ballonne voor my deur
Soos ballonne in die wind het my soene jou gevind
Want jy bring hul vol van liefde terug na my
En die duisend kleurballonne net soos helder somer blomme
Dra die boodskap wat my sê jy's terug by my
Dra die boodskap wat my sê jy's terug by my
