Puortame là fore

[Testo di "Puortame là fore" ft. Raiz]

[Ritornello: Raiz]
Aiutame a durmí
Scitame dimane
Famme nu regalo
Piglia 'stu core e puortalo luntano
Aiutame a durmí
Si overo me vuó bbene
Spiezza 'sti catene
Piglia 'stu core e puorteme là ffore

[Strofa 1: Lucariello]
Quatte mura e nu blindo (Chiuse) c''a paura nun vide (Nun vide)
Quanno curre e nn'arrive (Ah), assagge 'o scuro d''a vita (Assagge)
'Sta raggia, giuro, t'accide (T'accide), tatuagge scure 'int'ê rine (Ah)
Na faccia ca cchiù nun ride (No), me straccia senza suspire
Ê vote ce pienze: a ch'è servuta 'sta strada? (A che?)
Se vede l'apparenza (Seh), 'a verità nisciuno 'a sape (Nisciuno)
Siente 'a sofferenza (Ah) 'e chi è crisciuto senza pate (Senza)
Te coce l'indifferenza (Ah) 'e chi t'ha abbandunato (Bastardo), ah
E 'o ssaje ca poi ce staje tu ('O ssaje) ca m'hê dato fiducia (Seh)
E nn'a sento cchiù (No), 'sta vita chiusa che abbrucia (Ah)
'O ssaje, nennè, t''o ggiuro (T''o ggiuro), nun 'e sentí 'sti 'nciuce (Maje)
Overo puó stá sicura (Seh), pe'mme sî cchiù 'e na luce (Luce)
Annude dint'a 'stu scuro (Oh), i' me sentevo sicuro (Overo)
Tu ire comm'a na mamma (Ah) e i' ero chillu criaturo (Seh)
Dint'ê suonne ce vasammo (Vasammo), 'e me tu te piglie cura (Ah)
Chi chistu bene sfunnammo (Eh) pure 'o friddo 'e 'sti mmura

[Ritornello: Raiz]
Aiutame a durmí
Scitame dimane
Famme nu regalo
Piglia 'stu core e puortelo luntano
Aiutame a durmí
Si overo me vuó bbene
Spiezza 'sti catene
Piglia 'stu core e puorteme là ffore

[Post-Ritornello: Raiz]
Cercanno mille scuse, vedendoce annascuse
I' veco 'a verità dint'a ll'uocchie tuoje 'nfuse

[Strofa 2: Lucariello]
Forse è sulo nu suonno 'nfame (Eh), ma nisciuno te sceta (No)
Tutt''o bbene ca m'hê dato i' t''o voglio turná areto (Voglio)
Pure si hê sempe penzato ca tenevo 'o core 'e preta
Tu 'o ssaje ca so' leale pecché nun m'aggi''a guardá areto (Maje)
Ê vote te siente sulo (Sulo), scurdato 'int'a na stanza (Ah)
E pienze che è fernuta (Fernuta), ma proprio llà sta accumincianno (Ah, ah)
Nun penzo cchiù a nisciuno (Nisciuno), voglio sulo guardá annanze
Criscimmo a 'stu criaturo (Seh) che tiene dint'â panza (Ah, ah)
'O primmo passo 'e nu nennillo è na caduta ('O ssaje)
Ma i' so' sicuro ca 'sti sbaglie so' servute (So' servute)
Voglio assaggiá tutto chello ca m'aggio perduto (Voglio tutte cose)
Voglio viaggiá cu'tté abbracciandoce 'o futuro (Ah, ah, seh)

[Ritornello: Raiz]
Aiutame a durmí
Scitame dimane
Famme nu regalo
Piglia 'stu core e puortelo luntano
Aiutame a durmí
Si overo me vuó bbene
Spiezza 'sti catene
Piglia 'stu core e puorteme là ffore

[Outro]
Nu vaso d''o tuojo puó accunciá na jurnata
Chillu colloquio ca me faje 'o sto aspetanno 'a na semmana
Chelli carezze carnale ca sulo tu me saje dá
Non c'ho mai pensato a quante cose c'avevo fori de qua
Cose che oggi come oggi vorrebbe toccà
Non c'ho mai pensato che è 'a libbertà
Forse perché c'avevo e nun ce stavo a pensà
Che un giorno maledetto me veniva a mancà
Tu nun sî comm'a ll'alte, 'sta vita l'hê cagnata
E 'stu core l'hê salvato cu na figlia che m'hê regalato
'A vita senza pate l'aggio passata e 'stu core malato tu me l'hê curato
Sulo na cosa aggio capito, ca sulo 'mmiez'ê guaje trovamo frate
E te scurde d''e persone ca nun t'hanno maje aiutato
'E tutta chella ggente ca t'hanno abbandunato
Pure pe chi comm'a mme sunnava 'o consiglio 'e nu pate
I' penzo ch'aggio ringraziá si ogge saccio amá
I' penzo ca tutte quante ponno sbagliá
Ma sulo chi l'ha fatto senza 'e ce penzá
Nu juorno torna areto e pò cagná