Stinger
[Testo di "Stinger"]
[Ritornello]
Tu staje in aria, ma te mengo 'nterra, Stinger (Eh)
Me vuó fá male, ma nun sî niente, sî zero (Zero)
Te bevo comme aperitivo, sî nu bitter (Eh)
Te faccio magná pure 'a nu nennillo, Kinder
Chi 'nterra e chi 'nparaviso (Yeah)
Simmo nate 'int'a na crise (Ah)
Nn'simme nate c''a cammisa (No)
I' so' nato addò 'o diavolo te vasa sott'ê panne stise (Eh, eh)
'E frate mi' songo albere (Seh) stracciate 'a 'int'ê radice ('O ssaje)
Dio te dice: "'A libbertà è na cicatrice" (Ah, ah)
[Strofa]
Chi va a dеstra e sinistra, i' vaco sempe diritto (Diritto)
Tanto 'o stеsso nun tengo a nisciuno ca me pava l'affitto (No)
T'arrevoto na scena pure sulo cu nu skit (Uh)
Faccio poche dische, ma quando 'e faccio ve faccio stá zitte (Shh)
Stanno trasenno dint'â chiesa
'Stu rap è marmule, n'arma 'e difesa
Magnammo magnammo e murimmo obese
In Africa sparano sparano pe ce dà 'e diamante (Seh)
Mentre 'e criature stanno sempe a dieta
So' nu tipo simpatico comme a Ben Stiller (Oh)
Ma, si me tuocche 'a famiglia, addivento killer (Pom)
Te schifo comme a Hitler, te vuó fá na birra Miller
Damme na mill'euro e stammo pace, fratè
Napule SSC (Ah), meglio l'Hennessy o 'o gin?
'A gente vulesse vedé Dio (Yeah), 'a fessa è comme l'LSD (Mhm)
Songo n'intellettuale ignorante
Scrivo c''a penna biro e c''o Chianti
Tu sî 'o cassiere, ma i' songo 'a banca
Sî sulo 'o re d''e piatte vacante (Ahahah)
Biggie 'int'ô stereo d''a casa mia (Yeah)
'Sta vita è nu mistero o è na bucia? (Seh)
Jamme, mister, famme trasí
Voglio 'o ministero d''a fantasia
Pe vvia d''a politica m'hê miso 'ncroce
'A via cchiù difficile nun è maje doce
Faje sulo critiche, nn'puó cagná 'e ccose
'O ssaje ca so' stitico e nun te caco proprio
[Ritornello]
Tu staje in aria, ma te mengo 'nterra, Stinger (Seh)
Me vuó fá male, ma nun sî niente, sî zero (Zero)
Te vevo comme aperitivo, sî nu bitter (Uh)
Te faccio magná pure 'a nu nennillo, Kinder
Chi 'nterra e chi 'nparaviso
Simmo nate 'int'a na crise
Nn'simmo nate c''a cammisa (No)
I' so' nato addò 'o diavolo te vasa sott'ê panne stise (Eh, eh)
'E frate mi' songo albere (Seh) stracciate 'a 'int'ê radice
Dio te dice: "'A libbertà è na cicatrice"
