Die Lewe is 'n Grenshotel
Madame sit in Die Grenswag
’n Manskap teen haar bors
Sy koester, sy vermoeidheid, sy nadrup en sy dors
Die lewe is ‘n grenshotel
‘n Volkebont, ‘n bont bestel
Bestel jou chips en drink jou gaar, jou toekoms is gerekenaar
Madame bestel ‘n High Ball
Dit hou die vleesdrif hoog
En kyk na jong kanonvoer wat saamdrom by die oog
Die lewe is ‘n grenshotel
‘n Volkebont, ‘n bont bestel
Bestel jou chips en drink jou gaar, jou toekoms is gerekenaar
Madame, versot op jong bloed
Vergeet skoon van haar ou
Want jonk of oud sterf eenders, die slagveld is hul vrou
Die lewe is ‘n grenshotel
‘n Volkebont, ‘n bont bestel
Bestel jou chips en drink jou gaar, jou toekoms is gerekenaar
Madame grens oor die wete
Haar hulpdiens is beperk
Want of hul bruin of wit is, hul dra die Kaïnsmerk
Die lewe is ‘n grenshotel
‘n Volkebont, ‘n bont bestel
Bestel jou chips en drink jou gaar, jou toekoms is gerekenaar
En drank en nag bring kennis
En almal haal die grens
Die grens erken geen grense, alleen die hart se wens
