Gülüşlər
Mikayıl Müşfiq, Tahir İbişov
Gülüş vardır səslərinə tunc əkslər yapdırır
Gülüş vardır könülləri rüzgarlara qapdırır
Bəzi tikər könüllərdə alovlardan bir məbəd
İllər boyu atəşinə insanlığı tapdırır
Bürünərək çoхu ipək füsunlu bir çarşafa
Saçır büllur təbəssümlər, əyləncələr ətrafa
O pərdəyi parçalasaq can atarız nəhayət
Və başlarız göz yaşları aləmini təvafa
Gülüş vardır dodaqaltı, gülüş vardır müstəhzi
Zəncirləyər uçanları halqalandıqca bəzi
Bəzi sıcaq görüşlərə doğru yollar göstərir
Fəqət onun gülüşləri bir qönçəyə yaslanan
Rəngsiz parlaq jalələrdən nümunədir, hər zaman
Gənc ömrümə yüksəlməkçün qanad vеrir, can vеrir
