Sintineddi
François Lanfranchi / Gineste Eric / Noel Luciani
Tali un ochju lampatu à u mari latinu
O una mani porsa à l'imperi à liventi
Un sognu maladettu d'eternu scarpiddinu
O una chjama antica chì più nimu n'ùn senti
Chì più nimu n'ùn senti
Tali I voci chì funu da culandi à l'ora
È li visi di petra chì dissini dinò
Quidda sumidda strana ch'ùn si volsi mora
È l'idea chì tandu tuttu quì principiò
Sintineddi
Tali a mani chì vensi in tempu d'ancu à fà
È vi feci d'altura cù quidd’arti supranu
Ùn era ancu lu mondu è n'erati dighjà
Guardiani impitrati di u ricordu umanu
Tali l'abbracciu primu chì u silenziu vi deti
È li sapienzi arcani cù li so canti immersi
Di ciò chì ùn hè storia tiniti li sicreti
Tali una citadella chì a memoria persi
Sintineddi
