’O ccafè

[Testo di "'O ccafè"]

[Strofa 1]
'O llatte è bbuono e 'a ciucculata è doce
E pure 'a cammumilla bene fa
Rinfresca ll'orzo e 'o vino fa felice
E sulo ll'acqua 'a sete fa passà
Ma nu milione 'e ggente
'E Napule comme me
Nun vonno sapé niente
E campano c''o ccafè

[Ritornello]
Ah che bellu ccafè
Sulo a Napule 'o ssanno fà
E nisciuno se spiega pecché
È na vera specialità
Ah che addore 'e cafè
Ca se sente pe 'sta città
E 'o nervuso, nervuso comm'è
Ogne tanto s''o vva a piglià
Comme nasce, tu siente 'o bebbè
Ca dice: "Nguè-nguè, nu poco 'e ccafè"
E ll'inglese se scorda d''o tè
Si vène a sapé n'espresso che d'è
Ah, che bellu 'o ccafè
Sulo a Napule 'o ssanno fà
E accussì s'è spiegato ppecché
Ca pe tutt''a jurnata na tazza po n'ata
S'accatta, se scarfa, se veve 'o ccafè

[Strofa 2]
Pe bevere 'o ccafè se trova 'a scusa
I' ll'offro a n'ato e n'ato ll'offre a me
Nisciuno dice "No" pecché è n'offesa
So' ggià seje tazze e songo appena 'e ttre
Ma, mentre faccio 'o cunto
N'amico mme chiamma: "Uè
E fermate nu mumento
Bevimmoce nu cafè"

[Ritornello]
Ah che bellu ccafè
Sulo a Napule 'o ssanno fà
E nisciuno se spiega pecché
È na vera specialità
Ah che addore 'e cafè
Ca se sente pe 'sta città
E 'o nervuso, nervuso comm'è
Ogne tanto s''o vva a piglià
Comme nasce, tu siente 'o bebbè
Ca dice: "Nguè-nguè, nu poco 'e ccafè"
E ll'inglese se scorda d''o tè
Si vène a sapé n'espresso che d'è
Ah, che bellu 'o ccafè
Sulo a Napule 'o ssanno fà
E accussì s'è spiegato ppecché
Ca pe tutt''a jurnata na tazza po n'ata
S'accatta, se scarfa, se veve 'o ccafè

[Outro]
Che bellu ccafè