Mi Gatana Geet Tula Ladiwala
N. D. Mahanor
मी गाताना गीत तुला लडिवाळा
हा कंठ दाटुनी आला
हा कंठ दाटुनी आला
मी दुःखांच्या बांधुन पदरी गाठी
जपले तुज ओटी पोटी
कधी डोळ्यांना काजळ तूज भरताना
गल्बला जीव होताना
मी गाताना गीत तुला लडिवाळा
हा कंठ दाटुनी आला
हा कंठ दाटुनी आला
खोप्यात तिथे चिमणी रोज पिलांना
सांगते गोष्ट नीजताना
ते ऐकुन का मन हे फडफड होई
पाळणा म्हणे अंगाई
पाळणा म्हणे अंगाई
मी गाताना गीत तुला लडिवाळा
हा कंठ दाटुनी आला
हा कंठ दाटुनी आला
आयुष्याला नको सावली काळी
ईश्वरा तूच सांभाळी
झुलता झोका जावो आकाशाला
धरतीचा टिळा भाळाला
मी गाताना गीत तुला लडिवाळा
हा कंठ दाटुनी आला
हा कंठ दाटुनी आला
