خريطة مصر
شوفوا خريطة مصر جميلة، شوفوا جميلة إزاي
شوفوا خريطة مصر جميلة، شوفوا جميلة إزاي
الأخضر الزرع الأخضر، الأزرق النيل السكر
والأصفر رمل الصحراء
اللي حيخضر ويصفر فيه الفلاح بالناي
الأخضر الزرع الأخضر، والأزرق النيل السكر
والأصفر رمل الصحراء
اللي حيخضر ويصفر فيه الفلاح بالناي
شوفوا خريطة مصر جميلة، شوفوا جميلة إزاي
ع البحر نقطة شقية، وإسمها اسكندرية
البحر خلى رمالها على طول كده مندية
وجنبها ع الخريطة مدن كثيرة ساحلية
رشيد ودمياط وجمصة وبورسعيد الفتية
وكلهم ع البحر جميعا، في المنطقة الشمالية
شوفوا خريطة مصر جميلة، شوفوا جميلة إزاي
وفي جنوب الوادي الأقصر ونجع حمادي
أسوان وأسيوط وطهطا أرض القصب في بلادي
والقطن أبيض في الدلتا يشبه دقون أجدادي
وبيتعمل في المحلة قماش جميل مش عادي
عشان كده كل العالم بيحبوا قطن بلادي
شوفوا خريطة مصر جميلة، شوفوا جميلة إزاي
في شرقنا البحر الأحمر، في غربنا الرمل الأصفر
والقاهرة يا حبايبي أحلى البلاد وأكبر
بين بحرنا وبحرنا، بين أرضنا وأرضنا
هنا قناة السويس واحنا انتصرنا هنا
وسينا رجعت لنا
وسينا فيها معادن ونخيل سقاه دمنا
واحنا انتصرنا هنا
شوفوا خريطة مصر جميلة، شوفوا جميلة إزاي
شوفوا خريطة مصر جميلة، شوفوا جميلة إزاي
شوفوا جميلة إزاي، شوفوا جميلة إزاي
شوفوا، شوفوا جميلة إزاي، شوفوا جميلة إزاي
شوفوا جميلة إزاي، شوفوا جميلة إزاي
