De Stier
Pier Sies, knecht van boer Adriaan
die moest de koe gaan halen
om daarmêe bij den stier te gaan
ge moet dat goed verstaan
omdat dat beestje tuchtig was
en maakte nogal veel ambras
Marianne ging mêe, ?t was ziene weerd
om te draaien aan de steert
Marianne en Blesse en onze Pier
ze waren juist met drijen
ze trokken samen vol plezier
en vreugde naar de stier
Marianne wilde ne keer zien
hoe dat dat spel wel zou geschien
en ze was van liefde toch zo zot
heur hemde was doorweekt
De stier nu had zijn werk gedaan
ze mochten huiswaarts keren
Marianne kost dat niet verstaan
hoe dat dat was gegaan
Zij sprak nu tot onze Pier Sies
da spel, da vind ik nogal vies
hoe kon de stier nu weten
dal ons Blesse tuchtig was
Toet, toet, zei Pier, dat is gekend
ze kunnen dat gerieken
Wel Pier gij zijt ne brave vent
nu maakte mij kontent
't Moest bij de mensen ook zo zijn
geriekt gij niets precies kozijn ?
Bij ja, subiet, zei onze Pier
en hij deed 't zelfde van de stier
Marianne was nu ook voldaan
ze trokken weeral verder
en Blesse mocht niet rap meer gaan
dat kunt ge wel verstaan
De steert en wierd niet meer gedraaid
Marianne ging bij Pier de kameraad
en zei, terwijl z'hem gaf ne neuk:
hoe is 't met Uwe reuk?
't Is goed, zei Pier, 'k gerieke ?t al
ge moet gij mij niet plagen
Hij stekt Marianne bij heur vel
't was weeral 't zelfde spel
Dan nog een beetje voortgegaan
Marianne bleef alweder staan
en riep nu voor den derden keer:
geriekte nikske meer ?
Dat duurde zo tot viermaal toe
Pier begon te geeuwen
hij wierd da spel zodanig moe
hij trok al aan zijn koe
om rap naar huis te kunnen gaan
Marianne deed ze blijven staan
en riep: trekt uwen neus maar op
gij stomme ezelskop
Mijne neuze is al heel verstopt
we gaan een beetje wachten
't is genoeg aan mijn deur geklopt
'k heb nu al genoeg gestopt
gij zijt veel slechter dan de koe
dat beeste was van een keer moe
en ik riek al ne keer of vier
't is slechter dan de stier
o ja ge zijt ne felle reus
sprak wederom Marianne
gij maakt nogal van uwen neus
ge zijt nogal fameus
waart gij besteld gelijk de stier
'k en vroeg naar gene keer of vier
maar gij met uwe korte steert
't is wel de moeite weerd
