شكرا
أنا كنت بحلم أكون
اني أكون ليكي
ما أنا ياما شوفت عيون
حبتها كات بتخون !
قالو كتير مجنون ..
وجنوني في عينيكي
خليني اهديكي
حنين وحبة ورد
طب ليه عشقتي البرد !
وحضني مدفيكي
أنا قلبي لسة حزين
كان نفسه يديكي
جوايا شوق وحنين ..
من لمسة لايديكي
فارجوكي سامحيني
خانتني اوضاعي
الفرقة بالجملة
واللمة قطاعي
أنا كنت بحلم اشوف
الدبلة في صباعي
بتحدي أي ظروف
ممكن تفرقنا
واكسر في موج الخوف ..
لأحسن يغرقنا !
أنا شاب في العشرين
أصبحت ستيني
والدمع مفارقنيش
من يوم ما سبتيني
أنا نفسي بس أقول
انك وحشتيني
