5.5%

Es Johr nün Mönet zwoi Woche drü Täg
Das esch d somme vo dem gmeinsame wäg
Das send Foif Komma Foif Prozänt vo mim Läbe
Verschwändet, alles för nüt, alls vergäbens
Klar beni zerbroche dra ond offebar ä voll am Arsch
Voller Hass ond voller Narbe, folg mer i mis Grab
Das esch alles womer blibt, sie het mech gfange mech besiegt
Verdammti sch* falschi Schlange, man das chas doch ned sii
I geb der Foif Komma Foif du geschmer nüt osser Lüge
Besch nie ehrlech besch nie treu xi ond es het der nüt bedüted
Mer esch übel, den i fühle, all die Tüüfe vo dim Abgrond
Mini Worzle send zerresse ich verlüre all min Wachstom
Noch 15 tusig stonde, usegfonde was du besch
Du besch so donkel jede Fonke ersteckt, als verschwonde wo du besch
Wie wenn en Sonne erlescht, ond mer id Donkelheit bleckt
Das esch das wo du besch
Si het mi gfonde, vor öber 50 millione Sekonde
Mech öberromplet clever gspellt ond het mech a sech bonde
Si hetmer s Gfühl geh si wet s gliche, was met Tüüfi, was met Wiiti
Was met gfühl was met Liebi, sie het mi nor gstürt manipuliert
Ond i ben voll i ehres Netz, sie het mech verformt mech beherrscht
Mer mues ehres Spel eigentlech bewondere, s esch fasch vollkomme perfekt
Wäri ned sälber betroffe, wäri ned sälber es Opfer
Wäri mis Lächle ned erlosche ond mis Härz ned erstoche
Wördi säge, esch besser wie em Felm
Die Rolle wo du spellsch, ächt toll, alles stemmt
Oisi Liebi, nei oisi ganzi Beziehig
Alles nor en Maske, en perfekti Inszenierig
Klar beni zerbroche dra ond offebar ä voll am Arsch
Voller Hass ond voller Narbe, folg mer i mis Grab
Das esch alles womer blibt, sie het mech gfange mech besiegt
Verdammti sch* falschi Schlange, man das chas doch ned sii
I geb der Foif Komma Foif du geschmer nüt osser Lüge
Besch nie ehrlech besch nie treu xi ond es het der nüt bedüted
Mer esch übel, den i fühle, all die Tüüfe vo dim Abgrond
Mini Worzle send zerresse ich verlüre all min Wachstom
Foif Komma Foif Prozänt, wärs Alkohohl, wärs höchstens es Bier
Doch leider eschs Zyankali, wahnsennig höch konzentriert
So tödlech ond liecht, han ohni was z erkenne
656 Täg konsumiert chan die Dosis ned handle
15 tusig Stonde lang, min Ontergang omarmt
Sie luegt zo wieni sterb, ere esch min Todeskampf egal
Doch i ben meh, als die knapp 100 000 Minute
I be beständig, ben en Felse, werd das alles öberdure
Steck mer de Fenger i Hals, chotzmer alles vor d Füess
Ond was alles us mer usechont esch so wahnsennig wüescht
Do send Belder vo Verrot, Belder woni ned verstoh
I cha nöm atme, si stecked i mim Hals, jede Helf chont do z spot
Probiere z wörge, probieres mer z entrisse
Wieso het sie das gmacht i werd das niemols begrife
Chas ned schlöcke brengs ned abe ond wörg mi zu tode
Das esch de Ufprall a Bode, han mini Flögel verlore
Klar beni zerbroche dra ond offebar ä voll am Arsch
Voller Hass ond voller Narbe, folg mer i mis Grab
Das esch alles womer blibt, sie het mech gfange mech besiegt
Verdammti sch* falschi Schlange, man das chas doch ned sii
I geb der Foif Komma Foif du geschmer nüt osser Lüge
Besch nie ehrlech besch nie treu xi ond es het der nüt bedüted
Mer esch übel, den i fühle, all die Tüüfe vo dim Abgrond
Mini Worzle send zerresse ich verlüre all min Wachstom
Si het mi nie gliebt, nome manipuliert
Wie hani sowas verdient? Die Antwort fendet mer nie
Es esch ned liecht, de Ableck vo mim Spiegelbeld
En Mönsch won sech nöm liebe well, de Bleck ide Auge wo sösch niemert xeht
So leer, denn er, esch nöm do, er esch egendwo
Im Nergendwo, sin fucking Bleck esch seelelos
Resigniert, nedmol probiert för sech z kämpfe
Vell z schockiert vo de Wält vell z schockiert vo de Mensche
Öberlaschtet öberfordert, öberschatted vode Nochrecht
Dases sini Wält niemols geh het ond si ä niemols werd do si
Mönsche send chalt, Mönsche send bös, es gägewärtigs Problem
Das dorschöttelt sini Wältassecht, sis Wärtigssystem
Alles zerbroche, sini Hand, de Spiegel ade Wand
Sin Verstand, denn jez escher chrank
Kä Chraft zom sech beschötze
Was ehn ned ombrengt, das macht ehn ned starch nei es macht ehn zomne Chröppel
Klar beni zerbroche dra ond offebar ä voll am Arsch
Voller Hass ond voller Narbe, folg mer i mis Grab
Das esch alles womer blibt, sie het mech gfange mech besiegt
Verdammti sch* falschi Schlange, man das chas doch ned sii
I geb der Foif Komma Foif du geschmer nüt osser Lüge
Besch nie ehrlech besch nie treu xi ond es het der nüt bedüted
Mer esch übel, den i fühle, all die Tüüfe vo dim Abgrond
Mini Worzle send zerresse ich verlüre all min Wachstom
Verdeckte Narzissten wirken nach aussen oft eher zurückhaltend
Bescheiden, sind freundlich und nett
Der Schaden den jemand mit narzisstischen Zügen
Der Seele nahestehender Menschen anrichten kann ist immens
Verdeckte Narzissten bauen Mitgefühl und Nähe bei
Ihrem Gegenüber auf, das oft in Manipulation endet
Ohne dass das Umfeld es bemerkt