زحمة وشوش
Doaa Abdel Wahhab
زحمة وشوش، ألوان رتوش
أحلام بتنزل على فاشوش
موجة تعدي تغرقك، صدمة بتيجي تفوقك
إيدين تمد وتلحقك عصافير وبتروض وحوش
شايفين حياتنا ملونة وزاهية
بس الحقيقة العتمة جوانا
بيوت ورق نفخة هوا تزيحها
برواز بيلمع وصورة بهتانة
والحسبة كم وإزاي أنا أحسبها
في حاجات بنخسر لما نكسبها
وحبال نعيش متعلقين فيها
وفي لحظة تجرح إيدنا ونسيبها
دي بيوت وعيلة، وهموم وشيلة
أحوال بتتبدل في ليلة
كلام بيهرب للسكات، وبكرة يهرب للفات
تاخذنا سكة أمنيات وتردنا الحيلة القليلة
قدام مرايتك قل لي شايف مين
وشك بيضحك ولا قلب حزين
سرك داريته عن عيون الناس
بس النهار ده شفت منه العين
مش كل أب يش شفته كان واضح
ولا كل أسود جاي وراه أحزان
واللي إفتكرته نهاية محتومة
أتاريه بداية ولسه في الإمكان
زحمة وشوش، ألوان رتوش
أحلام بتنزل على فاشوش
موجة تعدي تغرقك، صدمة بتيجي تفوقك
إيدين تمد وتلحقك عصافير وبتروض وحوش
