Zwoa Brotbrösl (Lustiges bayerisches Kinderlied)

Zwoa Brotbrösl san vom Tisch obagfoin
Do woit si a Spatz de Brotbrösl hoin
Doch de Brotbrösl san auf und davo
Und da Spatz, der schaugt bloß aso

Brotbrösl her, Brotbrösl hi
Ja, wo san bloß de Brotbrösl hi?
Jetz frag i mi, jetz frag i Di:
Brotbrösl, Brotbrösl, Brotbrösl?
Wo san bloß de Brotbrösl hi?

Sans auf da Straß ins Dorf eine glaffa?
Oder zum Bäcka a Steckerl-Eis kaffa?
Holns beim Metzga zwoa Gramm Salami?
Oder beim Kramer a kloane Banane?

Brotbrösl her, Brotbrösl hi
Ja, wo san bloß de Brotbrösl hi?
Jetz frag i mi, jetz frag i Di:
Brotbrösl, Brotbrösl, Brotbrösl?
Wo san bloß de Brotbrösl hi?

Treffans a Kuah, de vorm Kino steht?
An Kühlschrank, der grad spazieren geht?
Zwoa Knödl, die in der Disco tanzn?
Oder a Wanzn mit einem Schulranzn?

Brotbrösl her, Brotbrösl hi
Ja, wo san bloß de Brotbrösl hi?
Jetz frag i mi, jetz frag i Di:
Brotbrösl, Brotbrösl, Brotbrösl?
Wo san bloß de Brotbrösl hi?

Fahrns auf da Wiesn grad Geisterbahn?
Dans im Zillertal Schlittnfahrn?
Sans aufm Schiff nach Amerika?
Oder bloß aufm Klo und glei wieda da?

Brotbrösl her, Brotbrösl hi
Ja, wo san bloß de Brotbrösl hi?
Jetz frag i mi, jetz frag i Di:
Brotbrösl, Brotbrösl, Brotbrösl?
Wo san bloß de Brotbrösl hi?

Ja, sogts amoi, ja, gehts denn no?
Wia ma grad so an Schmarrn singa ko
Aber Liada, wos gar net um Brotbrösl geht
De san fei oft genauso bläd