Off Season

{verse 1}
Hundert Rösser, Modus Sport
Abe uf de Karte i ihrem schwarze Golf, bis d’Strass am Wasser stoppt
Himmel milchig, Sunne druckt
Felder ziehnd verbi, Fenster halbe off, Benson Pack isch voll

Zigis und Soda, San Pellegrino
Sie stürt im Overall, ihri Nägel Rot, ihre Gürtel Moschino
Ich DJ, mir trucked, trucked, trucked, Jerry Garcia
Verbi a Fabrike, zerschlagni Schibe, früehner besseri Ziite

{pre chorus}
Min Sitz hine, Füess dobe, gits besseri Ziite?
Ihre Blick füre, mir rolled, ewigi Piste
Ohni Wort uf de Schnellstrass
A/C uf 20 Grad, A/C uf 20 Grad

{chorus}
Off Season
Off Season
A/C uf 20 Grad

{verse 2}
Boxestopp ime Motel, Abstiigi
Plastikstüehl ufem Vorplatz, ich mach Barkeeper
Alti Stories im Schatte, ihres Lache no s’gliche
Nacher Spielsalon, Dorfdisco, Schlagsiite

Schnitt, d’Hitz weckt eus unter de wisse Liintüecher
Brummschädel, mis Hirn schreit nach riesigem Iisbütel
Surrende Frigo mit nüt drin, chum fahremer wiiter
Kenne das Gsicht, Kafi mues ane, fahremer wiiter

{pre chorus}
Ibu 400 zum Doppio, es git besseri Ziite
Ihre Blick füre, mir rolled, ewigi Piste
Ohni Wort uf de Schnellstrass
A/C uf 20 Grad, A/C uf 20 Grad

{chorus}
Off Season
Off Season

{outro}
A/C uf 20 Grad
A/C uf 20 Grad
Wie früehner wirds nie meh
Aber alles isch guet
Sie und ich
Wie früehner wirds nie meh
Aber alles guet
Alles guet