No Competition

Homie du wosch fronte, disse.
No, es git ke Competition.
Du wosch o chli Dough cho mischle.
Ou, des louft nid, vou vrschisse.
Rouche di, i bou e Mischig.
Di wird eh ke Sou vrmisse
Gloub mer i bi vou vrbisse, touge nid für Kompromisse.
Es git ke Competition.
Es git ke Wettbewärb
S wär geng no z’optimistisch, o we du herter wärsch,
Es git ke Competion, drum haut di Monolog.
Chum sägmer Kommunischtin, wöu i haute ds Monopou.
Es git ke Combat.
Es git ke Competition.
Du bisch nid kompetänt, glich wosch i mim Weier fische.
Wosch di unger d Haie mische?!
Du hesch keni Eier Pisser.
Es git kes Battle Baby.
Nei, es git ke Competition.
Es git ke Competition.
Es git ke Wettkampf.
Du figgsch mi nid, nei!
Stosse di vom Bettrand.
Es giht ke Competition.
Es giht ke Contest.
du blibsch dahei im Chäuer, wi nachem Atomtest.

Du wosch Competition?
Du bisch ke Konkurränz.
No schneuer wäg vom Fänschtr, aus au di Castingbands.
Es isch nid kompliziert.
Es isch nid komplex.
I frisse di zum zmorge, wi mini Corn-Flakes.
Du bisch nid konzentriert.
Du würksch so komatös.
Komplet konfus, Läbesmüed, schono gschtört!
Du chasch nid kontere. Du hesch ke Kontur.
Du hesch kes Konzept. I bi di du Konkurs.
Du bisch so konform.
Du bisch so kompatibu.
Du hesch ke Content.
Des isch no ungertribe.
Du bisch so… (gähn) u wotsch glich no Komplimänt,
Gigs uf jedem Kontinänt und uf dine Konte Gäud.
Doch dir fäuht e Komponänte.
Gfausch nid bi de Konsumänte.
Du hesch nid was es brucht, drum si mir ke Kontrahänte.
Du bisch nid Underground und o nid Kommerz.
Aber wärsch so gärn e Stärn.
I bi ne Komet.

Chum nur, lege dini Waffe lahm. Des isch ke Chrieg, „Bomboclat!“
I gsehs doch genau, dir bluffet au.
I schtah im Ring, dir ar Schattewand.
Durchschoue dis Schpiu, dini Maskerade, wine Brüue, es Fänschtr,
es Wasserglas. Du wirsch nervös u muesch Wasser lah.
Dir tropft dr Schweiss vo de nasse Haar.
Dini Art u di Blick so vrbitteret. Dini Hang, dini Schtimm, di zittere.
Du hesch Angscht, hesch Schiss chönntsch schiittere.
I gschpüres, i weisses, i witteres.
I bi vorus, du bisch hingerdri.
I bi voruss, du im Zimmerli.
Wettsch hoch use, doch’s glingt dir nid. Di Hochmuet, behindert di.
Bisch e Bueb, nid dr King im Biz. Gsesches nid , sowie ne Blinde liist.
La di hinger mir, wines Hindernis, des isch so sicher, wine Chindersitz.
Vrdammt bini sick, bines chranks Chick.
Angers gschtrickt aus du u dini Clique.
Ha ne angere Trip, wi Tantra bim figge, revolutionär, wi Quantephysik.
Wi dr Che, hanes Ziu u ne Strategie. Ha no meh Energie, wine Batterie.
Hanes Meer vou Idee u Phantasie.
Ha no Tricks uf Lager, u Stunts für di.
The sky is no limit, wi uf Appollo-Mission.
I vrmäihe di Gigle.
Es git ke Competition