Kahisa [Romantic]
Jitendra Joshi, Aanand Pendharkar
काहीसा बावरतो,
काहीसा सावरतो,
लडखडतो, अडखळतो
शरमेनं मोहरतो
नजरेच्या स्पर्शामधुनी
नाजूकश्या हसण्यामधुनी
ज्वर चढतो मजला काहीसा
आता तुझिया डोळ्यांमधुनी जग सारे हे अनुभवतो मी
कासावीस होतो मी काहीसा...
अंतरा १:
कितीकदा मनातुनी या निसटून मी जातो
तुझ्यामुळे असा कसा हा माझ्यात मी येतो
हरवूनी सापडतो
तू दिसता उलगडतो
काहीसा....
अंतरा २:
कळेचना कुणामुळे कां मन माझे थरथरते
कधी इथे, कधी तिथे हे वेड्यागत भिरभिरते
आकाशी कां फिरते , तू नसता हुरहुरते
काहीसा...
