Fresenhof

Wenn de Wind dör de Bööm weiht
Un Gras nich mehr wassen deiht
Un geel all ward, denn kummt bald de Tied
Wenn de Storm över't Feld geiht
Wo lang schon keen Korn mehr steiht
Un Mehl all ward, denn ist bald sowiet

Dat de Dag kötter ward un de Nach de duert lang
Un de Kinner vun Nober, de warn in Düstern bang
Wenn de Regen vun't Reetdack dröppt
Mien Söhn buten gauer löppt
Sonst ward he natt, denn snurrt bin'n de Kat

Wenn de Wind dreiht, vun Nord weiht
Un Reg'n geg'n de Finster neiht
De Schieb'n daal rennt, denn föhl ik mi wohl
Wenn dat Füer in Kamin brennt
Un jeder di bi'n Vörnam nennt
Weil he di kennt, denn is uns Hus vull

Denn de Nobers sünd disse Tied ok nich geern alleen
Un bi Teepunsch an't Füer ward de Wedder weder schön
Wenn de Bläder sik brun farvt
Un Water steiht inne Groof
Denn ward dat Harvst op uns Fresenhof