Gaat In De Weg
De tractor di rijt, giet neet an de kant
De aanhenger vol gelaje met zand
Heej stuitert op stroat, de wage din helt
De aarde die steeds wat nar onder toe velt
En ik halt in, langs akkers kaal en leag
De reagenboag, ‘t gaat heer in de weg
De mist van toen schuuft dor mien bield
Wet zelf neet hoe fijn heej mien wonde hielt
Woar minse nou golve doar leep ik als kiend
Toen waas ik doar, precies oetgekiend
De fiets stond al bij de hoegspanningsmast
Dan kon ik snel weg, toen haj ik al hast
‘n stuk berg op, ‘n stuk wind in
Ik waas oaver de helft als ik dit kos zeen
Doar in ‘t bos achter de wei
Doar in ‘t zand in mien eige vallei
Doar woar ik meej altied kos verberge
Steeds wir opnij, ‘t end, ‘t begin
Gister, vandaag, d’r net tusse in
Ik kiek in de speegel, de voot van de rem
Ik huur de muziek en de radiostem
En dan gaj ik verder, langzaam vuroet
De reagendrup makt ‘n spoar op de roet
En toen waas ik alt, nou bin ik wir jong
En preuf ik de nevel van toen op mien tong
In dezelfde lange bocht kome fietsers vurbeej
‘t zandpaad in ‘t bos leet te wachte op meej
