Filastrocca a lu bamminu

[Testo di "Filastrocca a lu bamminu"]

La bedda Matri quannu jìu a lavari
Li pannizzedda di nostru Signuri
Cci dava 'u stricuneddu e li vasava
'N mezzu di rosi e ciuri li stinnìa
E San Giuseppi mentri travagliava
Sintia Gesuzzu chi forti chiangìa
San Giusippuzzu chiamava a Maria
Vidi ca voli minna Sarvaturi
Zittu, la mamma, ca ora ti pigliu
Ti dugnu la nennè ca pani nun cci nn'è
La Madunnuzza quannu jìa a la fera
'U bammineddu ciancia pi la bannera
Sona, cci accattai lu tamburinu
Nni trizzi d'oru nni lazza d'argentu
Ni mazzuledda di cristallu finu
L'Angilu cci dissi bammineddu sona
Quantu sintemu 'stu sonu divinu:
Cci eru li tri re misi a cavaddu
Cci dissiru di cu' è stu picciliddu
Lu figliu di Maria
Taliatilu ch'è beddu
Lu figliu di Maria
Taliatilu ch'è beddu