خفي حبه
مخبية لي إيه يا دنيا في جرابك قولي لي
تعبت من مفاجآتك اتهد حيلي
عمالة تحط فيّ وفيّ ليه تشيلي
ومن خبطة فوق ألاقي القاضية بتنادي لي
ومخبية لي إيه يا دنيا في جرابك قولي لي
تعبت من مفاجآتك اتهد حيلي
عمالة تحط فيّ وفيّ ليه تشيلي
ومن خبطة فوق ألاقي القاضية بتنادي لي
ما تخفي حبة مديا لي الوش ليه وعليّ قالبة
كارهة ليّ الراحة ليه وشقايا حابة
وكل ما أفتح صفحة وياك تقلبيها
وتقولي لي لو جدع مني استخابى
من طوب الأرض بتحارب
وأنا قد الحرب ومحارب
ومهما عدوي كان أقوى
لا أنا خايف ولا هايب
لو وسط النار هجيب حقي
لا هفاصل فيه ولا هبقي
لو حتى الظلم لجمني
وفيّ يا دنيا هتشقي
مش كله ضرب واحدة، واحدة خذوني بالهداوة
أنا آه شيال حمول والكتف واخذ ع القساوة
بس إنت محبيكاها ومعايا مزويداها
وإيديك مثقيلاها عليّ وبغباوة
ما تخفي حبة هو إنت لازم كل جولة تكوني غالبة
خليني مرة أطلع جدع وأضرب لي ضرية
ولا هو أنا واللي زيي عشان غلابة
حرام نعيش في دنيا كل أسودها سايبة
من طوب الأرض بتحارب
وأنا قد الحرب ومحارب
ومهما عدوي كان أقوى
لا أنا خايف ولا هايب
لو وسط النار هجيب حقي
لا هفاصل فيه ولا هبقي
لو حتى الظلم لجمني
وفيّ يا دنيا هتشقي
