لاباس [Original]
Prince Nawwaf Bin Faisal
ياسيدي مَبري مْشَافى من الباس
وعساك ترفل بالمسرَّات دَايم
طلتك مرتاح بها راحة أجناس
يا سيدي راحتك راس الغنايم
انت العميم اللي وسع كل من قاس
وانت الزعيم اللي فدتك الزعايم
وانت الذي في ساحة المجد غرّاس
تشهد لِك أيام جداد و قدايم
ياللي عليت بديرتك رافع الراس
عظيم ماتقبل بغير العظايم
ياليتنا دون الكِدَرْ عنك حراس
وياليتنا بينك وبين السقايم
يا سيدي يابْوي لا باس لا باس
وعساك من فوق الملا تاج دايم
