الدنيا ما تسوى
يا عمري الدنيا ما تسوى تنام وخاطرك زعلان
ولا به شي يستاهل يخلي قلبك يعاني
طلبتك كان لي خاطر تبعد عنك الأحزان
فديت عيونك الحلوة تبسم لو على شاني
حبيبي صار لي مدة أشوفك تايه وحيران
وأنا والله لو شفتك حزين تزود أحزاني
أنا أحبك ولا ودي تعيش بدنيتك ندمان
ترى الأيام محسوبة وتالي ها العمر فاني
يا عمري الدنيا ما تسوى تنام وخاطرك زعلان
ولا به شي يستاهل يخلي قلبك يعاني
تصدق بسمتك والله تفرح خاطري الولهان
يطير من الفرح قلبي وأصير بعالم ثاني
وإلا من شفتك بضيقة أحس إني أنا الغلطان
أعاتب نفسي بنفسي ولو ما كنت أنا الجاني
يا عمري الدنيا ما تسوى تنام وخاطرك زعلان
ولا به شي يستاهل يخلي قلبك يعاني
غلاك بداخل عروقي ولا يوصل غلاك إنسان
يمر الوقت ويثبت لك غلاك إن الله أحياني
بضحي بعمري لعيونك تنام إنت وأنا سهران
وأنادي جروحك لقلبي وتجي واحد ورى الثاني
يا عمري الدنيا ما تسوى تنام وخاطرك زعلان
ولا به شي يستاهل يخلي قلبك يعاني
