มุกดาหารบ้านเฮา
เป็นเมืองหน้าด่าน มุกดาหารงามเด่น
แผ่นดินร่มเย็น ตั้งอยู่ริมฝั่งของ
สะหวันนะเขตเมืองฉงฉั่วบ้านพี่เมืองน้อง
มาเด้อพี่น้อง มาเที่ยวมายามมุกดาหารบ้านเฮา
มาเด้อพี่น้อง มาเที่ยวมายามมุกดาหารบ้านเฮา
สองพันสามร้อยสิบสาม เกิดเมืองงามตั้งอยู่หม่องนี้
เมื่อเจ้าจันทกินรีมาสร้างบ้านสร้างเมืองเรืองนาม
เมืองที่มีแปดชนเผ่า เมืองที่มีแต่คนน้ำใจงาม
แหล่งท่องเที่ยวกะมีแต่หม่องงาม งาม
แหล่งท่องเที่ยวกะมีแต่หม่องงาม งาม
มีวัฒนธรรมประเพณีหลากหลาย
มาเด้อ พี่น้องมาเด้อ มาเที่ยวมายามมุกดาหารบ้านเฮา
ฮีตสิบสองคองสิบสี่ เป็นวิถีที่อยู่คือเก่า
บุญกองข้าวไขประตูลาว ประเพณีที่บ่เคยสูญหาย
ประเพณีแห่กันหลอนเป็นตาสะออนได้บุญสุขใจ
ออกพรรษากะยังมีบุญใหญ่ ออกพรรษากะยังมีบุญใหญ่
แข่งเรือลาวไทย มุกดาหารสะหวันนะเขต
มาเด้อ พี่น้องมาเด้อมา เที่ยวมายามมุกดาหารบ้านเฮา
เฮามีหมอลำผีฟ้า ช่วยรักษาคนป่วยให้เซา
เฮามีพิธีเหยา ที่หมู่เฮายังคงสืบสาน
มาเบิ่งโซ่ถั่งบั้ง มาผูกแขนบายศรีสู่ขวัญ
ลำผญาย่อยหัวดอนตาล ลำผญาย่อยหัวดอนตาล
กะเป็นตาฟัง ฟังแล้วม่วนหลาย
มาเด้อ พี่น้องมาเด้อ มาเที่ยวมายามมุกดาหารบ้านเฮา
แก่งกะเบาอยู่ที่หว้านใหญ่น้ำตกเย็นใสตาดโตนหนองสูง
เรียนเชิญพี่ป้าน้าลุง ภูผาเทิบอำเภอเมืองและดอนตาล
ภูหมูนิคมคำสร้อยก็งามไม่น้อยมีชื่อมานาน
หมู่บ้านเชิงวัฒนธรรม หมู่บ้านเชิงวัฒนธรรม
ยังมีให้เบิ่งอยู่ชุมชนบ้านภู
มาเด้อ พี่น้องมาเด้อ มาเที่ยวมายามมุกดาหารบ้านเฮา
มุกดาหารเมืองดีน่าเที่ยวไผได้มาเที่ยวสิมีแต่ความโชคดี
องค์พระใหญ่ศักดิ์สิทธิ์อิหลีสาธุชนกราบไหว้บูชา
องค์พ่อนาคายิ่งใหญ่ ไหว้ขอพรปู่ศรีมุกดา
อยากชมเมืองที่สวยงามจับตา อยากชมเมืองที่สวยงามจับตา
ขึ้นหอแก้วชมเมืองสองฝั่ง
มาเด้อ พี่น้องมาเด้อ มาเที่ยวมายามมุกดาหารบ้านเฮา
มาเด้อ พี่น้องมาเด้อ มาเที่ยวมายามมุกดาหารบ้านเฮา
