Voce ’e notte
Ernesto De Curtis, Eduardo Nicolardi
[Testo di "Voce 'e notte"]
Voce 'e notte te scéta 'int'â nuttata
'Sta voce è 'a mia
'Sta voce è 'a mia
Si 'sta voce te scéta 'int'â nuttata
Mentre t'abbracce 'o sposo tujo vicino
Statte scetata, si vuó stà scetata
Ma fa' vedé ca duorme a suonno chino
Nun ghì vicino ê llastre pe' ffà 'a spia
Pecché nun puó sbaglià, 'sta voce è 'a mia
È 'a stessa voce 'e quanno tutt'e dduje
Scurnuse, nce parlávamo c' 'o "vvuje"
Si 'sta voce te canta dint'ô core
Chello ca nun te cerco e nun te dico:
Tutt' 'o turmiento 'e 'nu luntano ammore
Tutto ll'ammore 'e 'nu turmiento antico
È 'a stessa voce 'e quanno tutt'e dduje
Scurnuse, nce parlávamo cu 'o "vvuje"
Voce 'e notte te scéta 'int'â nuttata
'Sta voce è 'a mia
