Ya Rayeh Sawb Bladi

يا رايح صوب بلادي دخلك وصلي السلام
بلغ أهلي وولادي مشتقلن رف الحمام
سألي امي يا منادي بعدا ممنوعة الاحلام
وقلا اياما ببالي والله بتعز الايام

يا رايح صوب الليطاني دخلك وصلي السلام
صبح اهالي النبطية وطل شوية ع الخيام
وقلا انه الحج محمد مشتاق لاهله ورفقاته
بحي السلم ما اتهنوا اشتاقت عينو لتراباته
قلا عيونا نامت لكن صاحي قلبه ما بنام
يا رايح صوب الليطاني

يا رايح صوب بلادي دخلك وصلي السلام
بلغ أهلي وولادي مشتقلن رف الحمام
سألي امي يا منادي بعدا ممنوعة الاحلام
وقلا اياما ببالي والله بتعز الايام

يا رايح صوب كفر متا دخلك وصلي السلام
وبلغ غيمات كفر متا واصلا رف الحمام
وقلا عندي بنت صغيرة ع التلة نسيت شالا
عن اهلا سالتا وعن بيتا بتحكي وما بتعرف حالا
يابا ضاعت وصلت لكفر متا غنولا شوية تتنام

يا رايح صوب المنارة
رايح صوب كفر متا
رايح صوب الليطاني

رايح صوب الناقورة
رايح صوب الطنطورة
رايح صوب البواطي
رايح صوب المنصورة

رايح صوب كفر سابا
رايح صوب مجدل يابا
رايح صوب المنشية
رايح صوب الحميدية

رايح صوب كفر برعم
رايح صوب عين المنسي
رايح صوب الجاعونة
رايح صوب ارض بلادي