رسالة في الغربة

قالت له حبيبي، بس سنة
ولو زاد بالكثير سنتين
دي فرصة ومش هتتكرر
ما بتجيش يعني كل يومين
عشان يرضيها، قام سافر
وكان علشانها بيعافر
تعب واستحمل الغربة
عشان يبقى معاه قرشين
كثير في الغربة بيفكر
بتعمل إيه وحاسة بإيه
وكل أما توحشه هي
يبص لدبلته في إيديه
بقى له فترة مش عارف
ولا بيسمع خبر عنها
بيسأل كل يوم نفسه
ليه ما بتسألش هي عليه

كان نفسه لو يطمنها
ويطمن عليها كمان
لولاها الغربة في حياته
مكانش هيبقى ليها مكان
لكن في رسالة جات منها
وكانت فيها بتقول له
بقيت دي الوقتِ أنا لغيرك
يا ريت تنسى اللي بينا زمان
كثير في الغربة بيفكر
بتعمل إيه وحاسة بإيه
وكان لو عنها يتكلم
يداري دمعته في عينيه
مكانش كلامها ده في باله
فاكرها هتبقى عايشة له
ما يعرفش إن في غيابه
خلاص قدرت تعيش بعديه

دي قالت له حبيبي، بس سنة
ولو زاد بالكثير سنتين
فرصة ومش هتتكرر
ما بتجيش يعني كل يومين
ما بتجيش يعني كل يومين