أوبريت ست عظيمة
أمي غير
أمي ست عظيمة منها مافيش كثير
أمي نهر عطاء وتضحيات كبير
أمي مهما هبوس إيديها
وأشيلها وأجري العمر بيها
صعب أسد ديوني ليها
معاها للنفس الأخير
أمي غير
أمي كل دعاها ليّ نجاح وخير
أمي حبل ينجي يوم ما أغرق في بير
أمي دي الإيد اللي شالت
حملي لما كتافي مالت
لا اشتكت ولا مرة قالت
تعبت أو ضحيت كثير
أمي طيبة
وحب صافي بدون مقابل أو ضريبة
أمي في الأوجاع دواء يشفي وطبيبة
ياما سهرت جنب مني
تداوي أي وجع ألمني
وعمرها ما في يوم سابتني
تملي مني كانت قريبة
تعيشي وتضمي
يا حنينة يا أمي
خذي عمر من عمري
وفداكي روحي تهون
يا سري ومرايتي
يا منورة بصيرتي
يا صاحبتي وأختي
وفي ظهري مهما يكون
يا شقيانة معايا
شقا ما له نهاية
وجودك في دنيايا
نعمة ورب الكون
أمي شوق
بشوفها بنسى الهم والأحزان وأروق
وما ببعد عنها أحس إن أنا مخنوق
بنسى همي بنظرة منها
وأهد كل الكون عشانها
لو لمحت دموع في عينيها
أو في يوم مسها مخلوق
أمي شمعة
بتتحرق لو يوم شافت في عينيّ دمعة
لو في سري ناديت عليها ألاقيها سامعة
من غير ما بنطق حاسة بيّ
روحي فيها وروحها فيّ
وفاهمة كل كلام عينيّ
أخت ليّ وصاحبة جدعة
أمي وردة
ريحتها مالية البيت حياة وبهجة ومودة
أمي حضن أمان أوي وحنية زايدة
أمي نعمة بعتها ليّ
ربنا وأجمل هدية
شجرة بتظلل عليّ
لما تبقى الشمس جامدة
تعيشي وتضمي
يا حنينة يا أمي
خذي عمر من عمري
وفداكي روحي تهون
يا سري ومرايتي
يا منورة بصيرتي
يا صاحبتي وأختي
وفي ظهري مهما يكون
يا شقيانة معايا
شقا ما له نهاية
وجودك في دنيايا
نعمة ورب الكون
