حياة المسجون
مسجون، مدفون، مركون
يحسن عوانه مول الكون
عالم خبيث بين لحيوط باش الساعة تفوت
خص ستين دقيقة فيها تموت والمسجون يصوط
فك وخبل في الخيوط
الوقت مات و الحبس دخل و القلب مخلوط
الواقع وجهه مكحوط الحياة بلا ملامح والموت مبهوت
إبليس مشوكي مشلوط
في بني آدم كيفاش ولّى مسخوط
سبوعة د الزنقة هنايا قطوط
لقليل لي باقي راجل والباقي قوم لوط
الصحة و العنف مشروط
باش عتجيب راسك إذا كنت ضعيف مزلوط؟
البلانطو في الكابران مربوط
فلان دخل فلان خرج فلان صبح مخبوط
الشتوة برودة و الصيف سخون
حياة المسجون كتابة بلا نقوط
حياة المسجون بلا لون
في روضة الحي مدفون
بيت أربع د الحيوط مركون
مسكين يحسن عونه مول الكون
حياة المسجون بلا لون
في روضة الحي مدفون
بيت أربع دالحيوط مركون
مسكين يحسن عونه مول الكون
و قليل اللي يعرف يدوز حبسه
خلاه في الفشل داخل عليه الوقت جالس مهموم في القنت يحاسب نفسه
كي يشوف سنين من حياته ضايعة مور لجرية
عشيري راك مسجون غير انسى الحرية
ما كان لاش ادوز حبسك نادم
ربي عالم راك مظلوم ولا ظالم
غير اتكى على المنتيف ديالك
عسكري في شومبري و ميزك خيالك من عديانك
عرف كيفاش تجيب معاهم راسك
قيس اللي قاسك
و اللي باغي يقيسه اسقيه السم اللي في كاسك
لكانت الزنقة فيها الحكرة هناية ثريبلي
و إذا المخزن في الزنقة حقار هناي ريجلي
ما انت غير مسجون و الدولة خاسرة عليك ميزانية
في الحبس طوبي الحكرانية
ولف وتانس و حبس العقلية
الرحمة من عند الرب و العفة برانية
حياة المسجون بلا لون
في روضة الحي مدفون
بين أربع د الحيوط مركون
مسكين يحسن عونه مول الكون
حياة المسجون بلا لون
في روضة الحي مدفون
بين أربع د الحيوط مركون
مسكين يحسن عونه مول الكون
حياة المسجون بلا لون
الحاضر مكتف و المستقبل مطعون
و الماضي معفون
بين لحيوط منسي
شكون يسال شكون لي يسقسي
حتى لي في الزنقة برزقك مكسي
بلاش تتسنى منه التلفون
نسى لي نساك و ما ينساك مول الكون
الحبس مدرسة تقرا فيها على بن آدم
و القلوب والحياة وعالم الحباسة
شحال من مسجون ربى الكبدة
حياته في الزنقة عاصية
في الحبس حياته زبدة
البيع و الشرى الدروكة و الغبرة
و أي حاجة أخرى الحياة مقبرة
ورى كل شي دايز و اللي تاب و رجع إنسان جديد هو اللي فايز
(والدراري الله يطلق سراحهم (آمين
ربي بوحده عالم بعمق جراحهم
حياة المسجون بلا لون
في روضة الحي مدفون
بين أربع د الحيوط مركون
مسكين يحسن عونه مول الكون
حياة المسجون بلا لون
في روضة الحي مدفون
بين أربع د الحيوط مركون
مسكين يحسن عونه مول الكون
هدشي ما عيشتوش أنا
هدشي عاشوه الدراري، صحابي
ولاد الحومة ديالي
هما اللي عودوا لي على هاد الحكرة
العنصرية و الظلم اللي كاين تما
الكريمي اللي داير تما
إذا دخلت الصحافة الكاميرة عتشوفوا
جميع أنواع الدروكة و المخدرات كاينة تما
فحال اللي في الزنقة
و بن آدم اللي مدبر عايش فحالي في دار دياله
المهم أنا بغيت نوصل هدشي هذا
وفي نفس الوقت نهضر معا الدراري اللي كيفهموني
الصلاة و الرياضة جيب العز ولا كحز
