مراكب النجاة
Mohie Hewar
يا راسم حلم مش محسوب وفين تلقاه
ما بين موتة وبين غربة في أرض الله
يا راسم حلم مش محسوب وفين تلقاه
ما بين موتة وبين غربة في أرض الله
الغربة مرة أوي وصعبة وع البر ليك مية ألف طريق
والبحر غدار مش لعبة وإزاي غريق هينجي غريق
في عرض البحر بتسافر مع موجة غدارة تعافر
مشوار وكل اللي يكابر بيروح ويرجع منه غريق
بيروح ويرجع منه غريق
فيه ناس بتستعجل موتها وعايشة حلم بقلب جريء
والحلم بيكون نهايتها في مركب وسط بحر غريق
إيدينا ممدودة لإيدك وهنفتح أبواب ع الحياة
خليك على البر كفاية وإركب مراكب النجاة
وإركب مراكب النجاة
يا راسم حلم مش محسوب وفين تلقاه
ما بين موتة وبين غربة في أرض الله
