Israfel
مشينا في صمت ودموع
نص مكسور ونص موجوع
كل وعودك ليا اتكسرت
حتي الوعد الغير مكسور
سموكي قلبي وانا ماليش
صوتك لسه في ودني مع انك مبتكلمنيش
كان عندي ليكي طاقه لكن دلوقتي مفيش
قلبي محبش حد وحبك لكن انتي محبتنيش
كنت فاكر لما هشارك هنقرب ومقربتيش
كنت فاكر لما اهتم هنحس ومحستنيش
لو مكتوبلنا يوم نتقابل ولو بعد سنين
اوعدك انك هتشوفيني بس انا مهشوفكيش
مبكرهكيش
انا كنت بحبك
انا لو كرهت حد فهو قلبي اللي بيفتكرك
كنت تحت وانتي طول عمرك عاليه زي اسمك
طلعتيني لفوق وسبتيني لما فتافيتي كترت
خلصنا كل الكلام مبقاش فيه شئ يتقال
اعتذرت وبررت عن اللي فاكراها اخطائي
بس انتي سبتيني وبعدتي علي كل حال
ايا كانت اوقاتنا حقيقة كدب ولا خيال
انا مش ندمان
الحب اعمي وانا معاكي كنت معمي
بعدك هلاقي مين في الدنيا دي زيك يسمعني
بعدك هلاقي مين في الدنيا دي زيك يفهمني
انا صحيح خسرتك بس اوعدك مش هخسر نفسي
اديتك قلبي اللي مديتهوش لحد
كسرتيه ومبقاش فيه اي شئ يتلم
مشوفتش فيكي عيب يمكن عشان حبيتك بجد
دلوقتي حقيقتك بانت بس انا مبقتش اهتم
روحك كانت الوان وانا روحي كانت سودا
كنت بدور فيكي علي حاجه ليا كانت موجوده
انا كنت قبلك وكنت معاكي وهبقي ومش هقولها
ولو كان فيا حاجه حلوه زمان فمحدش هيشوفها
انا اللي مبقتش اشوفني زي ما كنت انا
انا اللي عارف دوام الحال من المحال انا
ومع ذلك كنت بحاول اخلي حالنا يدوم انا
انا اللي اقوي من اني اكمل فيها كل يوم
الاستمرار للضعيف والضعيف عمره ما هيكون انا
كل حاجه بتنتهي حتي نعم الله
وانتي (كنتي) اكبر نعمه فيهم وبعدك مفيش خلاص
كنتي قلبي وعقلي وروحي وكل حاجه فيا بتفرق
مفيش في الدنيا حد كامل بس انتي خلتيني بيرفكت
فاكر كل لمسه كانت بينا
فاكر كل مكان كلنا فيه سوا وشربنا
انا فاكر كل ضحكه ضحكناها
انا فاكر كل لحظه سوا عشناها
كان نفسي ارجع بالزمن لـ12-6
ارجع والحق كل حبل عارف انه هيتقطع بينا
وقت ما انا كنتي ليكي وانتي ليا
واحقق كل حلم علقتيه في ايديا
بس كل ده كان حلم وافضل حلم بقي كابوس
كل ده كان وهم ومهما تظهر هيفضل في النفوس
انا كنت فاكر اني معاكي حر اتاريني كنت محبوس
كل الحبال اتقطعت ما بينا وانا اللي طلعت موجوع
كنت بحاول احميكي عشان مفيش شئ يأذيكي
انا كنت بحاول مسبكيش لدماغك رغم انك سبتيني
كنتي بتغطسي جوا قلبي وتشوفي جروحه وتعالجيها
دلوقتي بقيتي من ضمنهم وعمري ما هعرف اداويها
(كنت فاكر ولكني للأسف عرفت اداويها)
