أنا الاب
Mahmoud Tal'at
أنا الأب اللي طول الوقت غايب غصب عن عينه
وأنا اللي بيدعي على همه تملي ربنا يعينه
أنا الشيال وأنا البقال، أنا الأستاذ وأنا الدكتور
وأنا الواقف على رجليه عشان العيش في قلب طابور
أنا النجار وأنا البواب وأنا القاضي وأنا المأمور
وأنا اللي في ساقية ليل ونهار عشان بيتي بلف وأدور
أنا أكثر حد في وجوده ولاده بيسألوا فينه
وأنا الأب اللي طول الوقت غايب غصب عن عينه
وأنا اللي بيدعي على همه تملي ربنا يعينه
أنا الشقيان عشان تاكل ولاده تملي رزق حلال
أنا اللي وجوده في حياتهم مايتقدرش عمره بمال
وصوت مفاتيح في قفل الباب بيجروا عليه ويتسابقوا
وأحلى شعور ما بين حضنين يحسوه لما يتقابلوا
وصوت مفاتيح في قفل الباب بيجروا عليه ويتسابقوا
وأحلى شعور ما بين حضنين يحسوه لما يتقابلوا
أنا الأب اللي أولاده بتمشي بكل شرايينه
أنا الأب اللي طول الوقت غايب غصب عن عينه
