أورَق العُمر [Original]
Al Jadel
أَوْرَق العمر و تِفّتح من زهور وياسمينك ..
و أقبلت لك هالمسافه شالت احساسك دفى..
هي شموس الكون تشرق؟ وإلا هي طلّة جبينك؟
وإلا كل المدح فينا.. يوقف بأضوا و كَفى ؟
انتي زينك كل ليله ماهو بس اليوم زينك
طلي بالابيض تعالي غير نورك ما لفى..
زَفْتك اضوا نجومٍ بشرت باقي سنينك ..
بشّرت عمرٍ يضمك بانه لعينك صفى ..
إلبسي هالغيم طرحة وامسكي القمرة بيدينك
كل حسنٍ غير حسنك ما يجاريك أختفى
ربع طيب الكون منّك واللي باقي بين بينك..
العليل اللي يمرّك من أثر طيبك شفى..
انتي يا اضوة مشاعر ضمت محمد يمينك ..
قال بإنك عشق عمره والموده و الدفى
ندعي الله فرح قلبك بين اهدابك و عينك
والسنين تكون دايم بالمحبه و الرفى ..
