في شهر ٦

صباحك بطيخ على موز واقع في عيونك الجوز

ع البحر في شهر سته ببص يمين لقيتها
كل الحلويين في حتة وحبيبي لوحده حتة
في جمالها فراري عدا شوفت الباقين كارته
عصير يا ناس في قلبي يتجاب من غير روشتة عادي يعني

قلبي، قلبي، قلبي بالراحة عليه ده قلبي
قلبي، قلبي، قلبي ما تخفي عليه ده قلبي
قلبي مال أول ما جيتي في الجمال إنت استويتي
صدق اللي قال ع الغزال شكله حلو والحلو بيتي
قلبي قال إن إنت فاكهة كل أما تتقل بتبقى أحلى
صدق اللي قال ع الجمال حقه يتقدر ويغلى

يا مسا التفاح الأحمر ممكن تديني النمبر
أنا أخاف أقطفها أتعور دي خوخ والباقي بنجر
هادية وأعصابها ثالجة لو مهما الجو حرر
دول قرع وهي مانجا بتخلي الموج مسكر

قلبي، قلبي، قلبي بالراحة عليه ده قلبي
قلبي، قلبي، قلبي ما تخفي عليه ده قلبي
قلبي مال أول ما جيتي في الجمال إنت استويتي
صدق اللي قال ع الغزال شكله حلو والحلو بيتي
قلبي قال إن إنت فاكهة كل أما تتقل بتبقى أحلى
صدق اللي قال ع الجمال حقه يتقدر ويغلى