Man Free (for Darcus Howe)

Darcus outta jail
Race Today cannot fail
Darcus otta jail
Di people's will mus' prevail...

Dem lack - him - up
Inna jail
Dem refuse
Fi give him bail

But dem can't keep him doun
Sed dem can't keep him doun
Kaw him a merciles realis'
An' him is nat defeatis'

Him stan - up in di court
Like a mighty lion
Him stan - up in di court
Like a man af I'on

Darcus outta jail
Race Today cannot fail
Darcus otta jail
Di people's will mus' prevail...

An' wen wi march pan Pentonville
Di BPM were dere
An' wen wi step - it - up to Pentonville
Di BSM were dere
An' wen wi dally - up to Pentonville
Di CDC were dere
An' wen wi pickit di Pentonville
Di RTC were dere
An' soh wi step - it - up di Stran
To make our stan
Wi step - it - up di Stran
To di Courts af Justice

Darcus outta jail
Race Today cannot fail
Darcus otta jail
Di people's will mus' prevail...

Dem lack - him - up
Fi self defense
Dem lack - him - up
Fi him confidence

But dem can't keep him doun
Sed dem can't keep him doun
Kaw him a merciles realis'
An' him is nat defeatis'

Him stan - up in di court
Like a mighty lion
Him stan - up in di court
Like a man af I'on

Darcus outta jail
(Whey y'u she?)
Race Today cannot fail
(How y'u mean!)
Darcus outta jail
(Look at dat)
Di people's will mus' prevail