Liefdeskwela
Die wete dat ons anders is in tog in blokkies afgekamp, apart
Net omdat jou oë verder kyk en 'n ander vel span om dieselfde hart
Ons vingers raak mekaar
Maar ons hande is afgekap
Die junk jewellery om jou nek
Word deur oorlog stewels vuil vertrap
En tog is die plek mooi
Wit stede blom op geel grasvalktes
Treine jaag deur mielielande, ons teorieë bly onprakties
Tralies skei ons van mekaar, van loodgieters en vreemdelinge
'n Katedraal van smart
In vierkante en kringe
'n Land met lig wat netjies pas
Soos blokkies gekleurde glas in 'n etniese ou katedraal, 'n land van bloed en vrede
'n Land van geel en blou, 'n land vol kleure van die reënboog
'n Land vir my en jou, 'n land van toekoms en van hede
'n Lewe in die Kaap en in die ou Transvaal
Ek sien jou vriende sit en lê op die sypaadjies van Hillbrow
Toegedraai in ou komberse, knus beskerm teen die kou
Ek hoor jou roep agter die mure wat jou grond van myne skei
'n Stem soet soos die aarde, waar groen en goud gedy
Ek voel jou hartseer in die stad van vuil kinders hoog op kak Madjat
Die boodskap van 'n duisend skure, ek weet jou twak bly nat
'n Land met lig wat netjies pas soos blokkies gekleurde glas in 'n etniese ou katedraal
'n Land van bloed en vrede
'n Land vir my en jou, 'n land vol kleure van die reënboog
'n Land van geel en blou, 'n land van toekoms en van hede
'n Lewe in die Kaap en in die ou Transvaal
Eers was ons dieselfde, sy aan sy in 'n vaal land
Ongevorm sonder speserye uit die kolonis se hand
Maar as jy sing van tye voor die vloed en voor die bloei
Van kultuurbotsings op voorstoepe en spiese wat teen ossewaens stoei
Klink daarin ook die stem van my eie voorvaders so klaar
Dan weet ek ons is een hier al val ons kaarte deurmekaar
'n Land met lig wat netjies pas
Soos blokkies gekleurde glas in 'n etniese ou katedraal, 'n land van bloed en vrede
'n Land vir my en jou, 'n land vol kleure van die reënboog
'n Land van geel en blou, 'n land van toekoms en van hede
'n Lewe in die Kaap en in die ou Transvaal
